راگه‌یاندراوی پنتاگۆن باس له دواخستنی ریفراندۆم بۆ سه‌ربه‌خۆی كوردستان ناكات
وەزارەتی بەرگری ئەمریکا لەبارەی کۆبوونەوەی سه‌رۆكی هه‌رێمی كوردستان (مه‌سعود بارزانی) و (جه‌یمس ماتیس) وه‌زیری به‌رگری ئه‌مریكا راگه‌یاندراوێك بڵاوده‌كاته‌وه رایده‌گه‌ێنێت” سوپاس بۆ سه‌ركردایه‌تی به‌هێزی پێشمه‌رگه.
گوتەبێژی پێنتاگۆن سه‌باره‌ت به كۆبونه‌وه‌ی وه‌زیری به‌رگری ووڵاته‌كه‌ی و (مه‌سعود بارزانی) سه‌رۆكی هه‌رێمی كوردستان ده‌ڵێت” (جەیمس ماتیس) وەزیری بەرگری لەگەڵ (سەرۆک مەسعود بارزانی) سەرۆکی هەرێمی کوردستان کۆبووەوە و سوپاسی کرد بۆ سەرکردایەتی بەهێزی پێشمەرگە و بوونە هاوبەشێکی گرنگ لە شەڕی لەنێوبردنی داعشدا”.
گوته‌بێژه‌كه‌ی پنتاگۆن ئه‌وه‌شی ئاشكرا كردووه “كه وەزیری به‌رگری ئه‌مریكا پیرۆزبایی لە سەرۆک بارزانی کرد بۆ سەرکەوتنی ئۆپەراسیۆنی موسڵ و راشیگەیاندوه” كه ئازادکردنی شارەکە تەنیا ئەو کاتە بەدیهات کە بەغدا و هەولێر هاوئاهەنگییەکی بەهێزیان هەبوو.
هەر لەبارەی نێوەڕۆکی کۆبوونەوەکە، وەزارەتی بەرگریی ئەمریکا باسی له‌وه‌شكردوه”بۆ درێژەدان بەو ته‌بایی و پێكه‌وه‌بوونه، وەزیری به‌رگری ئه‌مریكا هانی “سەرۆک بارزانی” دا بۆ گفتوگۆی بەردەوام لەگەڵ سه‌رۆك وه‌زیرانی عێراق (حه‌یده‌ر عه‌بادی) بۆ ئه‌وه‌ی پێكه‌وه هاوكار بن له شه‌ڕی داعش و به‌رده‌وامی بده‌ن به هاوكارییه‌كانی نێوانیان.
