یه‌كێتی له‌باره‌ی كاراكردنه‌وه‌ی په‌رله‌مان دوا په‌یامی خۆی ده‌دات به‌گۆڕان
پاش كۆبونه‌وه‌ی پارتی دیموكراتی كوردستان له‌گه‌ڵ گۆڕان بۆ كارا كردنه‌وه‌ی په‌رله‌مان و چاره‌سه‌ری كێشه‌كانی نێوان ئه‌و دوو حزبه، پارتی دیموكراتی كوردستان به‌راشكاوانه و بێ هیچ مه‌رجێك داوا له گۆڕان كرد بگه‌رێته‌وه بۆ په‌رله‌مانی كوردستان و په‌رله‌مانی كوردستان كارا بكه‌نه‌وه، به‌ڵام تا وه‌كو ئێستا گۆڕان ئاماده نیه په‌رله‌مانی كوردستان كارا بكاته‌وه، چه‌ندین مه‌رجی خستۆته به‌رده‌م كارا كردنه‌وه‌ی په‌رله‌مانی كوردستان”.
به‌گوێره‌ی سه‌رچاوه‌یی زانیاریه‌كان كه چه‌ند میدیایه‌ك ئاشكرایان كردووه سبه‌ی سه‌ركردايه‌تى هاوبه‌شى يه‌كێتى نيشتيمانى كوردستان و بزووتنه‌وه‌ى گۆڕان كۆده‌بنه‌وه.
سه‌رچاوه‌يه‌كى باڵا له مه‌كته‌بى سياسى يه‌كێتى نيشتيمانى كوردستان تايبه‌ت به كه‌ناڵی كوردستان 24ى راگه‌ياند، سبه‌ى يه‌كێتى دوا په‌يامى خۆى له باره‌ى كاراكردنى په‌رله‌مانى كوردستان ده‌داته بزووتنه‌وه‌ى گۆڕان.
