له‌به‌رامبه‌ر داخشتنی نووسینگه‌ی یه‌كێتی له ئه‌نقه‌ره گوته‌بێژی یه‌كێتی هاته سه‌ر خه‌ت
پاش ئه‌وه‌ی گروپێكی چه‌كداری په‌كه‌كه له شارۆچكه‌ی دۆكان، چه‌ند هاوڵاتیه‌كی به‌ره‌گه‌ز تورك، ده‌رفێنن بۆ قه‌ندیل توركیا نووسینگه‌ی یه‌كێتی له ئه‌نقه‌ره داده‌خات و نوێنه‌ری یه‌كێتی له ئه‌نقه‌ره ره‌وانه‌ی هه‌رێمی كوردستان ده‌كاته‌وه‌ی، له‌به‌رامبه‌ریشدا به‌هرۆز گه‌لالی ده‌لێـ”جموجۆڵی پەکەکە لە ناوچەکانی سنووری یەکێتیدا هەیە و داوای لە پەکەکە کرد: ”دۆخی هەرێمی کوردستان ڕەچاو بکات”.
هه‌ر له‌و باره‌یه‌وه، گوته‌بێژی یه‌كێتی نیشتمانی كوردستان له‌باره‌ی داخستنی نووسینگه‌ی یه‌كێتی له ئه‌نقه‌ره، ناردنه‌وه‌ی نوێنه‌ری یه‌كێتی له ئه‌نقه‌ره، رایگه‌یاند”ئەو کێشەیەی لە نێوان تورکیا و یەکێتیدا هەیە، بە دەرکردنی نوێنەری یەکێتی لە تورکیا چارەسەر نابێ، پێویستە زیاتر هەوڵ بدەین کە ئەو بابەتانە لە بنەڕەتەوە چارەسەر بکەین و گوتشی”کێشەکە کێشەی یەکێتی نییە، بەڵکوو کێشەی هەندێک دەزگای تورکیا بووە“ و بەوە تۆمەتباری کردن کە ”دەیانەوێ لە ڕێی داخستنی نووسینگەی یەکێتییەوە، سەرنەکەوتنیان بشارنەوە“.
هه‌روها سه‌عدی ئه‌حمه‌د پیره گوته‌بێژی یه‌كێتی نیشتمانی كوردستان گوتیشی” دەبێ تورکیا کێشەکەیان لە ڕێگەی ئسوڵییەوە چارەسەر بکەن و ئاماژەی بە هەوڵەکانیان بۆ چارەسەرکردنی کێشەکە کرد. گوتیشی: ”لە دانیشتنەکەی دوێنێمان لەگەڵ مەولوود چاویشئۆغلۆ، وەزیری دەرەوەی تورکیا، باسمان لەو کێشەیە نەکردووە، بەڵکوو باسمان لە هۆکاری گەشتەکەی بۆ عێراق و هەرێمی کوردستان و بابەتی ڕیفراندۆمی سەربەخۆیی کوردستان کردووە“.
شایانی باسه پێشتر ده‌نگۆی رفاندنی چه‌ند هاوڵاتیه‌كی توركیا له شارۆچكه‌ی دۆكان له‌لایان په‌كه‌كه بڵاو كرایه‌وه، به‌م هۆیه‌شه‌وه توركیا نووسینه‌گه‌ی یه‌كێتی داخشت و نوێنه‌ری یه‌كێتی ره‌وانه‌ی هه‌رێمی كوردستان كرده‌وه”.
