به‌په‌له‌: سوپای توركیا سنووری خاكی سوریای بڕی

خواكوڕك

به‌ره‌به‌یانی ئه‌مرۆ چوارشەممە 24-8-2016، له‌لایه‌ن تۆپخانە و فڕۆکە جەنگییەکانی تورکیا، لەچوارچێوەی هاوپەیمانیی نێودەوڵەتی دژی داعش بە سەرۆکایەتی ئەمریکا، بنكە و بارەگاكانی داعشیان لە شاری جەرابلوسی رۆژئاوای كوردستان بۆردوومانكرد.

كه‌ناڵی سی ئێن ئێن تورك راگه‌یاندوه‌، تانكه‌كانی توركیا نزیك بوونه‌ته‌وه‌ له‌ سنووری سوریا و له‌هه‌ندێك شوێنیش توانیویانه‌ سنوور ببه‌زێنن. به‌ڵام به‌پێی ئه‌و وێنانه‌ی بڵاوبوونه‌ته‌وه‌، كۆمه‌ڵێك تانك و زرێپۆش له‌ نزیك ناوچه‌ سنوریه‌كان بڵاوه‌یان پێكراوه‌.

میدیاكانی ئه‌و وڵاته‌ بڵاویانكردوه‌ته‌وه‌ كاتژمێر 04:00 ی بەرەبەیانی ئەمڕۆ بنكە و بارەگاكانی داعش لە شاری جەرابلوسی رۆژئاوای كوردستان له‌لایه‌ن تۆپخانە و فڕۆکە جەنگییەکانی تورکیا بۆردوومان كراون، و پاشان هێزە زەمینییەكانی توركیا بە قوڵایی 28 كیلۆمەتر دەستیان بە ئۆپەراسیۆنێكی سه‌ربازی كردووه‌ بۆ ناو خاكی سوریا.