پێكه‌نین مرۆڤ ده‌پارێزێت له نه‌خۆشی دڵ
له نویترین توێژینه‌وه ئه‌وه ده‌ركه‌وتووه” كه پێكه‌نین یه‌كێكه له هۆكاره‌كانی رێگریكردن له نه‌خۆشیه‌كان دڵ و زۆر كاریگه‌ری هه‌یه له‌سه‌ر دل بۆ ئه‌وه‌ی تووشی نه‌خۆشی نه‌بێت.
له توێژینه‌وه‌یه‌كی توێژه‌ره‌وانی ئه‌مریکی زانکۆی مریله‌ند له درێژه‌ی زنجیره شیکردنه‌وه‌یه‌کیان، ڕاستی وته‌یه‌کی پێشینانیان سه‌لماند، که ئه‌ڵێت پێکه‌نین بۆ دڵ باشه و سودی زۆری هه‌یه.
پرۆفیسۆر (مایکل میلر) له‌م زانکۆیه له ماوه‌ی 5 ساڵدا حاڵی 30 نه‌خۆشی دڵی خستۆته ژێر چاودێری ، تاقیکردنه‌وه‌کان له‌سه‌ر ئه‌م که‌سانه نیشانیداوه ، بۆ ئاگاداربوون له نه‌خۆشیه‌کانی دڵ ، کاریگه‌ری پێکه‌نین هێنده‌ی وه‌رزش گرنگه و سودی هه‌یه.
به پێی ڕاپۆرتی یۆرۆ نیوز : پرۆفیسۆر مایکل میلر بڕوای وایه به‌رده‌وامی پێکه‌نین ئه‌توانێت به شێوه‌یه‌کی به‌هێز دژی هێرشی نه‌خۆشیه‌کانی دڵ یان دوباره بوونه‌وه‌ی ئه‌و نه‌خۆشیانه بوه‌ستێته‌وه‌و ڕێگریان بکات .
