پارتی له‌سه‌ر هه‌ڵوێستی كۆمه‌ڵ و گۆڕان هاته سه‌رخه‌ت
پاش بڵاو بوونه‌وه‌ی راگه‌یاندراوی كۆمه‌ڵ و گۆڕان، له‌سه‌ر كارا كردنه‌وه‌ی په‌رله‌مان و ریفراندۆم، گوته‌بێژی فراكسیۆنی پارتی دیموكراتی كوردستان ده‌لێـ” بزووتنه‌وه‌ی گۆڕان نیازی نییه په‌رله‌مان كاراببێته‌وه و كات ده‌كوژێت ده‌شلێـ”له‌م رۆژانه كۆبوونه‌وه‌ی پارتی دیموكراتی كوردستان و یه‌كێتیی نیشتمانی كوردستان بۆ كاراكردنه‌وه‌ی په‌رله‌مان ده‌كرێت، هه‌وڵه‌كان بۆ كاراكردنه‌وه‌ی په‌رله‌مان به‌جدی ده‌درێت.
د.محه‌مه‌د عه‌لی گوته‌بێژی فراكسیۆنی پارتی دیموكراتی كوردستان له په‌رله‌مانی كوردستاان راشی گه‌یاند”بزووتنه‌وه‌ی گۆراِن نایه‌ته پێشه‌وه و ناشیه‌وێت په‌رله‌مان كاراببێته‌وه، خۆشی له‌كاراكردنه‌وه‌ی په‌رله‌مان ده‌شارێته‌وه”.
گوته‌بێژه‌كه‌ی فراكسیۆنی پارتی له په‌رله‌مانی كوردستان هه‌روه‌ها ده‌شلێـ” بزووتنه‌وه‌ی گۆڕان له به‌رژه‌وه‌ندییه‌تی كه په‌رله‌مان ئاوا بمێنته‌وه، بۆیه ده‌بێت لایه‌نه‌كانی دیكه په‌رله‌مان كارا بكه‌نه‌وه”.
