بۆمبێكی چێندراوی تیرۆریستانی داعش به هێزه‌كانی پێشمه‌رگه ته‌قیه‌وه
به‌هۆی ته‌قینه‌وه‌ی بۆمبێكی چێندراو به هێزه‌كانی پێشمه‌رگه له سنوری خانه‌قین جه‌له‌ولا،سی پێشمه‌رگه بریندرا بوون.
به‌پێی زانیارییه‌كانی (خواكوڕك) ئه‌مڕۆ له میحوه‌ری گه‌رمه‌سێر، له نێوان هه‌ردوو گوندی (تبج و بایز) بۆمبێك به‌هیزه‌كانی پێشمه‌رگه ته‌قیونه‌ته‌وه له كاتیكدا هێزه‌كه‌ی پێشمه‌رگه سه‌رقاڵی پاككردنه‌وه‌ی سنوره‌كه بوون، به‌پێی زانیارییه‌كانیش برینی یه‌كێك له پێشمه‌رگه‌كان سه‌خته و له ئێستادا ره‌وانه‌ی نه‌خۆشخانه كراون.
ئه‌وه‌ی شیاوی باسه” ماویه‌ك ده‌بێت پاش شكستی تیرۆریستانی داعش له شاری موصڵ و ناوچه‌كانی ته‌له‌عفه‌ر، نزیك بوونه‌وه‌ی كۆنتڕۆڵكردنه‌وه‌ی شارۆچكه‌ی حه‌ویجه، له سنوری میحوه‌ری گه‌رمه‌سێر، جموجۆلی تیرۆریستانی داعش زیاتر بووه، به‌لام بۆ هه‌ر ئه‌گه‌رێك، هێزه‌كانی پێشمه‌رگه له‌و په‌ڕی ئاماده‌باشیدان.
