ئەحمەد عەسكەری: لابردنی نەجمەدین كەریم دەركردنی كوردە لە بەغدا
دوای ئەوەی پەرلەمانی عێراق بڕیاری لەسەر كارلادانی نەجمەدین كەریمی دەركرد, ئەندامێكی ئەنجومەنی پارێزگای كەركوك رایدەگەیەنێت لەسەر كارلابردنی پارێزگاری كەركوك، دەركردنی كوردە لە بەغدا و كار بۆ لابردنی سەرۆك كۆماری عیراق-یش دەكرێت.
ئەحمەد عەسكەری ئەندامی ئەنجومەنی پارێزگای كەركوك راگەیاندووە، پارێزگاری كەركوك لەلایەن ئەنجومەنی پارێزگاكەوە هەڵبژێردراوە نەك بەغدا، هیچ هۆكارێكیش نییە بۆ لەسەر كارلابردنی.
ئاماژەی بەوەشكرد، ئەمە دەركردنی كوردە لە بەغدا، كار بۆ لابردنی سەرۆك كۆماری عیراقیش دەكەن و ئەندام پەرلەمانە كوردەكانیش بەشداری دانیشتنەكانی پەرلەمان ناكەن، ئەمە هەمووی بۆ جیاكردنەوەی كورد و بەغدایە.
