نه‌جمه‌دین كه‌ریم: پیرۆزبایی له گه‌لی كورد ده‌كه‌م
پارێزگارى كه‌ركووك پيرۆزبايى سه‌رله‌نوێ ده‌ست به‌كاربوونى په‌رله‌مانى كوردستان و ده‌نگدانى له‌سه‌ر ئه‌نجامدانى ڕيفڕاندۆم له واده‌ى خۆيدا ده‌كات.
له راگه‌یاندراوێكدا كه كۆپیه‌كی ده‌ست (خواكوڕك) كه‌وتووه” نوسینگه‌ی پارێزگاری كه‌ركوك، (د.نه‌جمه‌دین كه‌ریم) پيرۆزبايى له په‌رله‌مانى كوردستان كرد بۆ ده‌نگدانى له‌سه‌ر ئه‌نجامدانى ريفڕاندۆم له 25ى ئه‌م مانگه‌دا.
له به‌ياننامه‌يه‌كدا كه له‌لايه‌ن نوسينگه‌ى راگه‌ياندنى پارێزگارى كه‌ركووكه‌وه بڵاوكراوه‌ته‌وه ئه‌وه هاتووه” كه پارێزگاری كه‌ركوك (نه‌جمه‌دين كه‌ريم) پيرۆزبايى له سه‌رجه‌م براو خوشكه په‌رله‌مانتاره‌كانى په‌رله‌مانى كوردستان ده‌كات به بۆنه‌ى سه‌رله‌نوێ سازكردنه‌وه‌ى دانيشتنه‌كانى په‌رله‌مان.
هه‌روه‌ها پيرۆزبايى له گه‌لى كوردیش ده‌كات به بۆنه‌ى ده‌نگدان له‌سه‌ر ئه‌نجامدانى ريفڕاندۆم له 25 ى ئه‌يلوولدا له هه‌رێمى كوردستان و ناوچه كوردستانيیه دابڕێنراوه‌كان.
ئه‌وه‌ی شیاوی باسه” رۆژی هه‌ینی 15/9/2017 په‌رله‌مانی كوردستان له دانیشتنێكی نائاساییدا توانرا له لایه‌ن زۆرینه‌ی فراكسیۆنه كوردستانییه‌كان به زۆرینه‌ی ده‌نگی 65 په‌رله‌مانتار دوای 2 ساڵ له كار كه‌وتنی كارابكرێته‌وه.
