خواكوڕك بۆ یه‌كه‌م جار ئه‌و به‌دیله‌ی سه‌رۆك بارزانی داوای ده‌كات ئاشكرا ده‌كات
هێمن هه‌ورامی یاریده‌ده‌ری سه‌رۆك بارزانی له پۆستێكی دا له هه‌ژماری تایبه‌تی خۆی له تۆڕی كۆمه‌لایه‌تی فیسبووك، له‌باره‌ی سه‌ردانی وه‌زیری به‌رگری به‌ریتانیا و به‌دیلی ریفراندۆم ئاشكرا ده‌كات”ئێوارەی ۱۸/۹/۲٠۱۷ کۆبوونەوەیەکی زۆر گرنگ و چڕو پر لە نێوان شاندی كوردستان به‌سه‌رۆكایه‌تی سه‌رۆك بارزانی، لەگەل وەزیری بەرگری بەریتانیا بەرێوەچوو.
هه‌روه‌ها هێمن هه‌ورامی له پۆسته‌كه‌ی دا ده‌شنوسێـ”شاندەکە داوایانکرد ریفراندۆم دوابخری و گفتوگۆ لەگەل بەغدا دەستپێبکرێ. سەرۆک زۆر بە روونی پێی گوتن، جگە لەسەربەخۆیی هیچ ریگەیەکی دیکەمان نیە، ریفراندۆم ئامرازیکە بۆ گەیشتنە سەربەخۆیی، گفتوگۆش ریگەیەکە بۆ سەربەخۆیی. ئەو بەدیلانەی تائێستا هێنراون ناتوانن قەناعەتمان پێ بکەن و زەمانەتی دەولی پیویستیان تێدانیه”.
هه‌روه‌ها هێمن هه‌ورامی له كۆبوونه‌وه‌كه‌دا سه‌رۆك بارزانی درێژه‌ی به‌قسه‌كانی داو گوتی” کێشەی ئیمە لەگەل کۆمەڵگه‌ی نێودەوڵەتی نیە لەگەل عێراقە. تاکە شتیک جێگەی ریفراندۆم بگریتەوەو گەلەکەمان پێی رازی بیت، ئەوەیە حکومەتی عیراق رازی بێت بۆ ماوەیەکی دیاریکراو لەسەر سەربەخۆیی لەگەڵ کوردستان گفتوگۆ بکات بۆ ئەوەی بە گفتوگۆ بگەینە سەربەخۆیی و چۆن بنەماکانی دوو دراوسیی باش دابنیین و سنور و ئاو و نەوت و بابەتی دیکە ببرینینەوە بە چاودیری و گرەنتی نێودەوڵەتی، ئەگەر لەو ماوە دیاریکراوە نەگەشتینە ریککەوتن لەسەر سەربەخۆیی، ئەوا کوردستان ریفراندۆم دەکات و بەغدا و کۆمەلگای نێودەوڵەتی بەرئەنجامەکە قبول دەکەن.
هه‌روها هه‌ورامی له گێرانه‌وه‌ی قسه‌كانی بارزانی دا به‌رده‌وام ده‌بێت و ده‌لێـ” جه‌نابی سه‌رۆك بارزانی گوتیشی” جگە لەم بەدیلە ، هیچ شتێکی دیکە جێگای ریفراندۆم ناگرێتەوەو بەردەوام دەبێن . بە هیچ شێوەیەک ریفراندۆم بۆ ئەوە دواناخەین تەنها گفتوگۆ بکری و نەزانری لەسەر چیەو عێراق نەیەتە ژیر باری سەربەخۆیی”.
