مه‌لا محیه‌دین فارقینى : هه‌ركه‌سێك دژى سه‌ربه‌خۆى بووه‌ستێته‌وه ، ئه‌وه دژى خودا وه‌ستاوه‌ته‌وه
“مه‌لا محیه‌دین فارقینى ” كه‌سایه‌تى ئاینى دیارى باكورى كوردستان بۆ پاڵپشتیكردن له ڕیفراندۆمى سه‌ربه‌خۆى كوردستان ده‌لێت “ئه‌و كه‌سانه‌ى دژى سه‌ربه‌خۆى كوردستان بووه‌ستنه‌وه ، دژى خودا وه‌ستاونه‌ته‌وه “.
هه‌روه‌ها “مه‌لا محیه‌دین فارقینى ” ده‌شلێت ” هه‌روه‌ك چۆن به گوێره‌ى مافه‌كانى مرۆڤ و یاسایی نێوده‌وله‌تى ، سه‌ربه‌خۆبوون مافى گه‌لى كورده ، به پێى ئاینی ئیسلامیش سه‌ربه‌خۆى و دروستكردنى ده‌وڵه‌ت مافى كورده ، بۆیه هه‌ركه‌سێك دژى سه‌ربه‌خۆى بووه‌ستێته‌وه ، ئه‌وه دژى خودا وه‌ستاوه‌ته‌وه “.
له كۆتایی قسه‌كانیدا گوتیشى ” نابێت هه‌ركه‌سێك باوه‌ڕى به خوداو قورئانى پیرۆز هێنا ، دژى سه‌ربه‌خۆى كوردستان بووه‌ستێته‌وه ، پێویسته هه‌موو كه‌سێك پشتگیرى ڕیفراندۆمى سه‌ربه‌خۆى كوردستان بكات “.
