بزانه پلانی راده‌ست كردنی كه‌ركووك و رێگریه‌كان له‌ریفراندۆم چین خواكوڕك ئاشكرا ده‌كات
به‌گوێره‌ی زانیاریه‌كانی ده‌ستی خواكوڕك كه‌وتووه، لاهور تاڵه‌بانی و ئاسۆ مامه‌ند و ره‌فعه‌ت عه‌بدوڵڵا به‌ڵێنیان به ئێرانیه‌کان داوه که نه‌هێڵن له که‌رکووک ریفراندۆم ئه‌نجام بدرێ”.
سه‌رچاوه‌یه‌كی ئاگادار له پارێزگای كه‌ركووك به‌خواكوڕكی راگه‌یاند” بۆ مه‌به‌ستی رێگریه‌كان له ریفراندۆم له‌كه‌ركووك، داوایان له حزبه‌کان له شاری که‌رکووک کردوه به هاوبه‌شی راگه‌یه‌نراوێک ده‌ربکه‌ن که ریفراندۆم له که‌رکووک دوابخرێ و یاداشتێک بده‌ن به ئه‌نجومه‌نی پارێزگای که‌رکووک بۆ ئه‌وه‌ی ده‌نگی له‌سه‌ر بده‌ن”.
هه‌ر به‌گوێره‌ی زانیاریه‌كانی ئه‌و سه‌رچاوه‌یه، جگه له حزبه‌کان ره‌تیان کردۆه‌ته‌وه، نه‌جمه‌دین که‌ریم وه‌ک ئه‌ندامی مه‌کته‌بی سیاسی یه‌کێتی و پارێزگا به‌هه‌مانشێوه‌ی حزبه‌کان ره‌تیکردۆته‌وه و رازی نابێ به‌و هه‌وڵه‌ی به‌شێک له قیاده‌ی حزبکه‌ی.
شایانی باسه پێشتر ئاڵا تاڵه‌بانیش له تۆڕی كۆمه‌ڵایه‌تی فه‌یسبووك له په‌یچی تایبه‌تی خۆی دا، داوای كرد كه رێگری بكرێت له ئه‌نجامدانی ریفراندۆم له كه‌ركووك”.
ئه‌م داوایانه له‌كاتێكدایه، كه قاسم سولێمانی له‌ئێستادا له‌هه‌رێمی كوردستانه، هه‌ره‌شه له‌كورد ده‌كات ئه‌گه‌ر كه‌ركووك بخه‌نه ناو بازنه‌ی ریفراندۆم به‌ڵام ئه‌م داوایه له‌لایان نه‌جمه‌دین كه‌ریم ره‌د كراوه‌ته‌وه”.
