رێبوار تاڵه‌بانی خۆی راده‌ست نه‌كردبوو، قاسم سولێمانیش هه‌ڵات
به‌گوێره‌ی زانیاریه‌كانی ده‌ستی ماڵپه‌ری خواكوڕك كه‌وتووه، دوێنێ شه‌و قاسم سولێمانی، ویستی له‌كه‌ركووك، كوده‌تایه‌كه به‌سه‌ر ئه‌نجوومه‌نی پاێزگای كه‌ركووك بكات، ریفراندۆم دوا بخات، به‌ڵام كوده‌تاكه شكه‌ست ده‌هێنێت، رێبوار تاڵه‌بانی خۆی راده‌ستی قاسم سولێمانی ناكات”.
له‌و باره‌یه‌وه ئاریان فه‌ره‌ج نووسه‌ر و رۆژنامه‌نووس له هه‌ژماری تایبه‌تی خۆی له تۆڕی كۆمه‌ڵایه‌تی فه‌یسبووك ده‌نووسێـ”دوێنێ شەو كەركوك لە ژووری ئینعاشی چارەنوسدا بوو، لە لێواری لەدەستچوندا بوو، قاسمی سلێمانی لەوێ بوو، یەك یەك نەك بە كۆمەڵ ترسنۆكەكانی ناچار بە دەركردنی بەیاننامەی دژایەتی ریفراندۆم دەكرد. پیلانی ترسناكیان ئەوە بوو، رێبوار تاڵەبانی سەرۆكی ئەنجومەنی كەركوك لەژێر هەڕەشەی میلیشیادا، ناچار بە گرێدانی كۆبونەوەی مەجلس بكەن، دەنگی ئەندامانی یەكێتی بخەنە پاڵ دەنگی جەبهەی توركانی و كوتلەی عەرەبی و بە زۆرینەی دەنگ ئینقلابێكی مێژوویی بەسەر كوردستانیەتی كەركوكدا بكەن. ریفراندۆم بە رەسمی و بە ناوی خەڵكی كەركوكەوە رەتكەنەوە، دكتۆر نەجمەدین لەسەر كار لاببەن و یەكێك لە ئینقلابچییەكان بخەنە جێگەی.
هه‌روه‌ها ئاریان فه‌ره‌ج ده‌شنووسێـ”رێبوار تاڵەبانی نەچووە ژێر بار، كوڕە گەنجێكی مەرد و سەر راست لەگەڵ خودای خۆی، لەگەڵ نیشتمانی خۆی، لەگەڵ كەركوكی خۆی، لەژێر هەڕەشەی تا حەددی مەرگدا ،خۆی راگرت و بەقسەی نەكردن. ئامادەنەبوو كۆبونەوەكە بكات. فرمان و داوای سەرۆك بارزانی قبوڵ كرد و بە پشتی قارەمانانی كوردپەروەر، كۆسرەتی پێشمەرگە و نەجمەدینی پێشمەرگە و شێخ جەعفەری پێشمەرگە، دەرگای هۆڵی ئەنجومەنی بە رووی قاسم سلێمانی و خۆفرۆشاندا داخست و بە خۆی و كلیلەكەیەوە خۆی لەچاو ون كرد.
هه‌روه‌ها ئاریان فه‌ره‌ج له وتاره‌كه‌شی دا ئاماژه به كوده‌تا شكه‌ست خوارده‌ووه‌كه‌ی دوێنێ ده‌كات و ده‌نووسێـ”دوێنی شەو كەركوك درێژترین شەوی عومری تێپەڕاند، سەرۆك و قارەمانانی كەركوك خەو نەچووە چاویان، گەورەترین نەبەردییان لە مێژووی كورد و كوردستاندا تۆمار كرد. نەیانهێشت كەركوك لەدەست بچێت. نەیانهێشت خوێنی شەهیدانمان بەهەدەر بچێت. نەیانهێشت نائومێد بین، لوغمەكە پوچەڵ كرایەوە و كەركوك و كەركوكییەكان سەركەوتن. ئەمڕۆ هەموان لای سەرۆكن، سبەینێش هەموان لەسەر سندوقی دەنگدان.
