ئه‌نجوومه‌نی ناوه‌ندی یه‌كێتی: ره‌خنه‌ی تووند له هه‌ندێك به‌رپرسی یه‌كێتی ده‌گرێت ریفراندۆم له‌كاتی خۆیدا ده‌كرێت
ئەنجوومەنی ناوەندی یەکێتی نیشتمانی کوردستان راگەیێندراوێک بڵاودەکاتەوە و رایدەگەیێنێت: “ئەگەر بڕیارە ریفراندۆم لەکاتی خۆیدا بکرێت ئەوا لەسەرجەم ناوچەکان ئەنجامبدرێت بەکەرکوکی قودسی کوردستان و تەواوی ناوچە کوردستانییە دابڕێنراوەکانیشەوە”.
لە راگەیێندراوەکەی ئەنجوومەنی ناوەندی یەکێتی”رەخنەی توند دەگرێ سەبارەت بە لێدوانی پێچەوانەی بەشێک لە ئۆرگان و بەرپرسەکان کە لێدوانی نابەرپرسانە لەسەر پرۆسەی ریفراندۆم دەدەن”.
دەقی راگەیێندراوەکە
بەڕێزان/ هەڤاڵ کاک کۆسرەت
هەڤاڵانی لێپرسراوو ئەندامانی دەستەی کارگێڕی مەکتەبی سیاسی
هەڤاڵانی ئەندامی مەکتەبی سیاسی و ئەنجومەنی سەرکردایەتی
بابەت/ پرسی ریفراندۆم
لەسەروبەندی ئەو گۆڕانکاری و پێشهاتانەی لەئارادان سەبارەت بەپرسی مافی چارەی خۆنووسین و ئەنجامدانی ریفراندۆم، ئێمە لە ئەنجومەنی ناوەندی لەکۆبوونەوەی سکرتاریەت و لێپرسراوی کۆمسیۆنەکان و پاش هەڵسەنگاندن و لێکەوتەو کاریگەرییەکانی:
١- ئەگەر بڕیارە ریفراندۆم لەکاتی خۆیدا بکرێت ئەوا لەسەرجەم ناوچەکان ئەنجامبدرێت بەکەرکوکی قودسی کوردستان و تەواوی ناوچە کوردستانییە دابڕێنراوەکانیشەوە.
٢- ئەگەر بڕیاری دواخستنی ریفراندۆم لەبەر هەر هۆکارێک لە کەرکوک و ناوچە کوردستانییە دابڕێنراوەکان بدرێت ئەوا کۆی پرۆسەکە بەتەواوەتی دوابخرێت، واتە لەهیچ شوێنێک ریفراندۆم ئەنجام نەدرێت.
٣– ئەنجومەنی ناوەندی رەخنەی توند دەگرێ سەبارەت بە لێدوانی پێچەوانەی بەشێک لە ئۆرگان و بەرپرسەکان کە لێدوانی نابەرپرسانە لەسەر پرۆسەی ریفراندۆم دەدەن.
ئەنجومەنی ناوەندی (ى.ن.ك)
24/9/2017
