ساڵح موسلیم: بۆچوونی جیاوازی ئێمه هه‌رشتێك بێت كێشه‌ی ناوه‌خۆمانه به‌رگری له كوردستانی باشور ده‌كه‌ین
هاوسه‌رۆكی په‌یه‌ده له لێدوانێكی دا رایگه‌یاند هه‌ر هێرشێك بكرێته سه‌ر باشوری كوردستان ئێمه به‌هه‌موو توانامان رووبه‌رووی ده‌بینه‌وه، به‌رگری له باشوری كوردستان ده‌كه‌ین و ده‌شلێـ” كورد له‌ناوه‌خۆی دا بۆچوونیشی جیاواز بێت به‌ڵام ئه‌مه كێشه‌ی ناوه‌خۆیه، نابێته رێگری له به‌رگری كردن له كوردستان”.
ساڵح موسلیمی هاوسه‌رۆكی په‌یه‌ده له دیمانه‌یه‌كی له‌گه‌ڵ رۆژنامه‌ی شه‌رقوڵئه‌وسه‌ت، گوتی، ئەگەر هەرێمی کوردستان رووبەڕووی هەر هێرشێک ببێتەوە، ئەوا لەپاڵ هەرێمی کوردستان دەوەستینەوە، لەبارەی ریفراندۆمی سەربەخۆیی كوردستان، ھاوسەرۆكی پەیەدە دەڵێ، ئەنجامدانی ریفراندۆمی سەربەخۆیی مافێکی رەوای گەلی کوردستانە ده‌شلێـ ” كێشه ناوه‌خۆیه‌كان كێشه‌ی كه‌س نیه، هی خۆمانه، به‌ڵام له‌به‌رگری له كوردستاندا له‌پاڵ یه‌كداین”.
هه‌ر له‌سه‌ر ریفراندۆم و سه‌ربه‌خۆی كوردستاندا، هه‌دیه یوسف هاوسه‌رۆكی ئه‌نجوومه‌نی باڵای فیدراڵی باكوری سوریا له هه‌ژماری تایبه‌تی خۆی له تویته‌ر رایگه‌یاند” ئەگەر هەرێمی کوردستان رووبەڕووی هەر گەمارۆیەك ببێتەوە، ئەوا دەروازەکانی رۆژئاوای کوردستان بەڕووی هەرێمی کوردستان کراوەدەبن بۆ سه‌رخستنی سه‌ربه‌خۆی كوردستان”.
