نێچیرڤان بارزانی بڕیاری دا به دامه‌زراندنی قوتابیه یه‌كه‌مه‌كانی سه‌ر ئاستی كوردستان
به نوسراوێكی فه‌رمی حكومه‌تی هه‌رێمی كوردستان، به واژۆی نێچیرڤان بارزانی بڕیاری دامه‌زراندنی سه‌رجه‌م قوتابیه یه‌كه‌مه‌كانی سه‌ر ئاستی هه‌رێمی كوردستانی دا.
له نووسراوه‌كه‌دا كه وێنه‌یه‌كی ده‌ست(خواكوڕك)كه‌وتووه و تێیدا هاتووه” له‌به‌ر به‌رژه‌وه‌ندى گشتى و پێویستى زانكۆ و په‌یمانگاكانى هه‌رێمی كوردستان و له‌سه‌ر پێشنیارى وه‌زاره‌تى خوێندنى باڵا و توێژینه‌وه‌ى زانستى بڕیاردرا به دامه‌زراندنى ده‌رچووانى (یه‌كه‌م و دووه‌م و سێیه‌م)ى ساڵى خویندنى ( 2014 – 2015) له‌سه‌ر ئاستى زانكۆ و په‌یمانگا حكوومیه‌كانى هه‌رێمى كوردستان كه ژماره‌یان (1197) ده‌رچووه،له‌سه‌ر میلاكى هه‌مان زانكۆ و په‌یمانگاكانى خۆیان به مووچه و شایشه‌ى دارایى به پێى بڕوانامه‌كانیان”.
ئاماژه‌ی بۆ ئه‌وه‌شكرد كه به‌پێێ نووسراوه‌كه، وه‌زاره‌تى دارایى و ئابوورى به هه‌ماهه‌نگى وه‌زاره‌تى خوێندنى باڵاو توێژینه‌وه‌ى زانستى بودجه‌ى پێویست بۆ دامه‌زراندنیان دابین ده‌كات به پێى لیستى ناوه‌كانیان له ڕۆژی ده‌ست به‌كاربوونیان.
