شاخەوان عەبدوڵڵا: لە سێشەممەوە پەرلەمان شەرعیەتی نەماوە.. هەموومان بایكۆتمان كردووە
لەگەڵ بڕیاری سازادنی ریفراندۆمی سەربەخۆیی كوردستان, حكومەتی عیێراق ئاستی دژایەتیەكانی هەرێمی كوردستانی گەورەتركرد, تا دوا جار چەند هەڕەشەیەكی لە رێگای پەرلەمانی عێراق پەسەند كرد, لە بەرامبەردا جێگری سەرۆكی فراكسیۆنی زەردیش لە ئەنجوومەنی نوێنەرانی عیراق دەڵێ، وەكو فراكسیۆنە كوردستانییەكان بەشداریی دانیشتنەكانی پەرلەمانی عیراق ناكەن و، لە بایكۆت بەردەوام دەبن، “پەرلەمانی شەرعیەتی له دەست داوە.”
(شاخەوان عەبدوڵڵا) جێگری سەرۆكی فراكسیۆنی زەرد لە پەرلەمانی عێراق، بە ماڵپەری فەرمیی پارتی دیموكراتی كوردستانی رایگەیاند،” وەكو فراكسیۆنە كوردستانیەكان بریاری بایكۆتكردنی دانیشتنەكانی پهرلەمانی عیراقمان داوە و بەشدار نابین ، چونكە ئەوان واز لە بڕیارە تاكلایەنەكانیان ناهێن. لای ئێمە ئەو پەرلەمانە پەرلەمانی عیراقی نییە و بووەتە پەرلەمانی عەرەبی و هیچ شەرعیەتێكی نییە و لە سێشەممەی ڕابردووەوە شەرعیەتی له دەست داوە، هەر بڕیارێكیش بدەن ئێمە پابەندی نابین.”
وەك (عەبدوڵلا) دەڵێ، تەواوی فراكسیۆنە كوردستانغیەكان ناغانەوێت بەشدار بن لە دانیشتنەكانی پەقلەمانی عیراق، چونكە پێیان وایە، ئەو پەرلەمانەی كە رۆژانە سوكایەتی بە كورد بكات و بڕیار لە دژی كوردستان دەربكات، هەر بۆ ئەوە دەبێ بایكۆت بكرێ.
