نه‌وتی كوردستان به‌رده‌وام كریاری هه‌یه و به‌رده‌وام له هه‌نارده كردنی
ماڵپه‌ری وزه نیوز له هه‌واڵێكی دا له‌باره‌ی هه‌نارده‌كردنی نه‌وتی كوردستان پاش ریفراندۆم رایگه‌یاند”دوای ریفراندۆمی سەربەخۆیی کوردستان، رۆژانە 553 ھەزار بەرمیل نەوتی خاوی کوردستان لەڕێی بەندەری جەیھانی تورکییەوە ھەناردەی دەرەوەی وڵات دەکرێت و هه‌روه‌ها وڵاتێکی رۆژهەڵاتی ناوەڕاست و دوو وڵاتی ئەوروپی نەوتی ھەرێمی کوردستان دەکڕن و ھەناردەکردنی نەوتیش بۆ دەرەوە بەردەوامە.
ماڵپه‌ره‌كه له‌باره‌ی نه‌وتی كوردستان و هه‌نارده‌كردنیان ده‌شلێـ” کە لە ماوەی ئەو پێنج رۆژەی دوای ریفراندۆمی سەربەخۆیی کوردستان، نەوتی کوردستان بە کۆمپانیاکانی وڵاتێکی رۆژهەڵاتی ناوەڕاست، ئیتاڵیا و کرواتیا فرۆشراوه، ھەروەھا سەرچاوەیەک لە کۆمپانیای (کار گرووپ)ی کوردستان بە ماڵپەڕەکەی راگەیاندووە، کە ھەناردەکردنی نەوتی کوردستان بەردەوامە و بەشێوەیەکی ئاسایی بەڕێوە دەچێت.
رۆژی دووشەممە 25/9/2017، گەلی کوردستان ریفراندۆمی سەربەخۆیی کوردستانی ئەنجام دا و بەپێی ئامارە سەرەتاییە نافەرمییەکان، زۆرینەی دەنگدەران داوای سەربەخۆیی کوردستانیان کردووە.
