چه‌ند نهێنیه‌ك له‌باره‌ی مه‌راسیمی پێشوازی له ته‌رمی مام جه‌لال ئاشكرا ده‌بێت
ئه‌مرۆ 6ی 10ی 2017 له ئه‌لمانیا ته‌رمی مام جه‌لال له‌رێگای فرۆكه‌خانه‌ی نێوده‌وڵه‌تی سلێمانی گه‌رێنرایه‌وه، نیشتمان و له‌لایان سه‌رۆكی هه‌رێمی كوردستان و سه‌رۆكی كۆماری عێراق و نوێنه‌ری وڵاتانی ناوچه‌كه، حزب و لایانه سیاسیه‌كانی كوردستان و عێراق، به‌مه‌راسیمێكی پرۆتۆكۆڵی پێشوازی كراوه، ئه‌مه‌ش هاوتا بوو له‌گه‌ڵ مێژووی هێنانه‌وه‌ی ته‌رمی هه‌ریه‌كه له مه‌لیك مه‌حموودی پاشای كوردستان كه له‌به‌غداوه له رۆژێكی وه‌ك ئه‌مرۆ گه‌رێنرایه‌وه، كوردستان له 6ی 10ی 1956 و هاوتایه له‌گه‌ل مێژووی گه‌راندنه‌وه‌ی ته‌رمه‌ی جه‌نه‌ڕاڵ مسته‌فا بارزانی رابه‌ری شۆره‌شی نه‌ته‌وه‌ی كورد، كوره‌كه‌ی ئیدریس بارزانی له شاری شنۆی رۆژهه‌لاتی كوردستان بۆ ده‌ڤه‌ری بارزان له 6ی 10ی 1993″.
پێشوازی پرۆتۆكۆڵی له‌لایان پاسه‌وانی شه‌ره‌فی سه‌رۆكایه‌تی هه‌رێمی كوردستان ئاماده‌كرابوو، سه‌رپه‌رشتیاری گشتی به‌خاكسپاردنی له‌لایان سه‌رۆكی حكومه‌تی هه‌رێمی كوردستان و جێگره‌كه‌ی و حكومه‌تی هه‌رێمی كوردستان سازكرابوو، له مه‌راسیمه‌كه‌دا چه‌ندین وڵاتی بیانی به‌نوێنه‌ری خۆیان به‌شداری مه‌راسیمه‌كه‌یان كرد، له‌ناویاندا نوێنه‌ری پاشای ئوردن و وه‌زیری ده‌ره‌وه‌ی ئێران و نوێنه‌ری عه‌بادی و چه‌ندین حزب و كۆنسوڵی بیانی به‌شداری مه‌راسیمه‌كه بوون”.
له مه‌راسیمه‌كه‌دا تابوتی ته‌رمی مام جه‌لال به ئاڵای پیرۆزی كوردستان داپۆشرابوو، ئه‌مه‌ش بوه هۆی وه‌ستانی په‌خشی راسته‌وخۆی چه‌ندین كه‌ناڵی عێراقی عه‌ره‌بی، له‌به‌رامبه‌ریشدا وه‌زیری ده‌ره‌وه‌ی ئێران، له‌به‌رده‌م تابووتی به ئاڵای كوردستان داپۆشراوی مام جه‌لال وه‌ستاو سڵاوی كۆتایی ئێرانی له مام جه‌لال كرد”.
