پەرلەمانتارێكی یەكێتی: ئەوەی شوان داودی وئاڵا تالەبانی دەیلێن تەنیا بەتاڵ كردنەوەی سكی خۆیانە
![](https://xwakurk.com/wp-content/uploads/2017/10/00.jpg)
دوای ئەوەی 6ی مانگ سەرۆك تالەبانی تەرمەكەی لە ئەلمانیاوە گەڕێندرایەوە كوردستان كە تەرمەكەی بە ئاڵای كوردستان داپۆشرابوو, داپۆشرانی تەری مام جەلال بە ئاڵایی كوردستان بووە مایەیەی نیگەرانی چەند سەركردەیەكی شۆڤێنی و تائیفی عێراق, هەروەها چەند پەرلەمانتارێكی یەكێتی لە بەغدا بە هەنگاوێكی هەلەیان ناوبرد لە بەرامبەردا, ئەندامێكی فراكسیۆنی یەكێتیی نیشتمانیی كوردستان لە پەرلەمانی كوردستان، وەڵامی پەرلەمانتارێكی حزبەكەی لە پەرلەمانی عێراق دایەوە و ڕای گەیاند: ”ناتوانن لە گەورەیی مام جەلال كەم بكەنەوە“.
خەلەف ئەحمەد مەعرووف، پەرلەمانتاری فراكسیۆنی یەكێتی لە پەرلەمانی كوردستان، رایگەیاند: ”كاتێك تەرمی مام جەلال لە ئەڵمانیاوە بۆ كوردستان گەڕێندرایەوە، مام جەلال سەرۆك كۆماری عێراق نەبووە تا ئاڵای كوردستان و ئاڵای عێراق پێكەوە دابنرێن، بەڵكوو سەرۆك كۆماری پێشووی عێراق بووە“.
جەختیشی لەوە كردەوە كە مام جەلال لە پێناوی كوردا ژیاوە و لەپێناوی كوردستان و ئاڵای كوردستاندا خەباتی كردووە، بۆیە ”شانازییە تەرمی تاڵەبانی بە ئاڵای كوردستانەوە داپۆشرا”.
لەبارەی قسەكانی ئاڵا تاڵەبانی و شوان داودی و چەند پەرلەمانتارێكی دیكەی یەكێتی خەلەف ئەحمەد ڕای گەیاند: ”مام جەلال ئەوەندە گەورەیە، با ھەزارانی وەك ئەوانە قسە بكەن، بچووك نابێتەوە، ئەوانەی ئەو قسانە دەكەن، تەنیا سكی خۆیان بەتاڵ دەكەنەوە”.
پێشتر ئاڵا تاڵەبانی، شوان داودی و چەند پەرلەمانتارێكی دیكەی یەكێتی لە پەرلەمانی عێراق، هاوشێوەی بەرپرسانی عەرەبی شۆڤێنی، ڕەخنەیان لەوە گرتبوو كە تەرمی مام جەلال بە ئاڵای كوردستان داپۆشراوە و نەبوونی ئاڵای عێراقیان بەسەر تەرمەكە، بە هەڵەیەكی گەورە و بچووككردنەوەی مام جەلال لەقەڵەم دابوو.