كه‌ركووك له‌مه‌و به‌دوا به‌هاوبه‌شی له‌نێوان پارتی و یه‌كێتی به‌رێوه ده‌چێت
پاش ئه‌وه‌ی كۆبوونه‌وه‌ی لووتكه‌ی دۆكان به‌سه‌رپه‌رستی مه‌سعود بارزانی سه‌رۆكی هه‌رێمی كوردستان و فواد مه‌عسووم سه‌رۆككۆماری عێراق و به‌ئاماده بوونی كۆسره‌ت ره‌سوڵ و نێچیرڤان بارزانی، هه‌ردوو مه‌كته‌بی سیاسی یه‌كێتی و پارتی كۆبوونه‌وه، پێنج خاڵی هاوبه‌شیان واژوو كرد بۆ به‌یه‌كه‌وه كاركردن بۆ ئه‌و قۆناغه و تێپه‌راندنی دۆخی ئێستای ناوچه‌كه”.
پاش كۆبونه‌وه‌كه د. رۆژ نووری شاوێس رایگه‌یاند به‌هاوبه‌شی به‌رێوه‌بردنی كه‌ركووك له‌نێوان به‌غدا و هه‌ولێر دا نیه، به‌ڵكو له‌نێوان یه‌كێتی و پارتی دایه، كه‌ركووك دڵی كوردستانه و به‌شێكی گرینگه له‌كوردستان بۆیه ده‌بێت به‌هاوبه‌شی و به‌یه‌كه‌وه به‌رێوه‌ی ببه‌ین و رێگا نه‌ده‌ین جارێكی تر بكه‌وێته‌وه ده‌ستی دوژمنانی میلله‌ته‌كه‌مان”.
فازڵ میرانی رایگه‌یاند، كۆبوونه‌وه‌ی ئه‌مرۆی یه‌كێتی و پارتی كۆبوونه‌وه‌یه‌كی یه‌كڵاكه‌ره‌وه بوو، گوتیشی ئه‌نجامی ریفراندۆم به هیچ كه‌سێك هه‌ڵناوه‌شێته‌وه، چونكه ئه‌مه بریاری گه‌لی كوردستانه، ئێمه له‌سه‌ر ئه‌و بنه‌مایه به ئه‌جندایه‌كی كراوه گفتوگۆ له‌گه‌ل به‌غدا ده‌كه‌ین، هه‌ره‌شه و گوره‌شه پاشه‌كشه به سیاسه‌تی ئێمه ناكات”.
