جه‌ماڵ شه‌ریف باس له یارییه‌كه‌ی تۆتنهام و ریال ده‌كات
لەمیانی یارییەكانی گەڕی سێیەمی قۆناغی گرووپەكانی پاڵەوانیەتی یانە پاڵەوانەكانی ئەوروپا هەردوو یانەی ریال مەدرید و تۆتنهام رووبەرووی یەكتربوونەوە له یاریگای سانتیاگۆ به‌رنابیۆ.
له‌یارییه‌كه‌دا چه‌ند حاڵه‌تێكی جیاواز هه‌بوون ، له‌وانه لێدانی سزا بۆ ریال مه‌درید و گۆڵه‌كه‌ی تۆتنهام و حاڵه‌تێكی لێدانی سزاش بۆ تۆتنهام، له‌مباره‌یه‌وه جه‌مال شه‌ریف بۆ كه‌ناڵی (beIN SPORT) گوتی: لێدانێکی سزای دروست بۆ تۆتنهام هەژمار نەکرا و كاسیمیرۆ هه‌ڵه‌ی كرد،
له هه‌مانكاتدا گۆڵەکەی تۆتنهام گومانێکی زۆری لێدەکرێت ئۆفساید بێت هه‌رچه‌نده حاڵه‌ته‌كه بۆ ناوبژیوان زۆر قورس بوو ئه‌مه له كاتێكدایه كه لێدانە سزاکەی ریال مەدرید دروست بوو.
