هاونیشتیمانیان كورد له ئه‌وروپا به‌پیر بانگه‌وازه‌كه‌ى سه‌رۆكى هه‌رێمه‌وه هاتن
ئه‌مڕۆ شه‌مه 21ى 10ى 2017 له ناوخۆى هه‌رێمى كوردستان ڕه‌وه‌ندى كوردى له ده‌ره‌وه بۆ ده‌ربڕینى ناڕه‌زایه‌تى له‌به‌رامبه‌ر له‌شكركێشى هێزه‌كانى میلیشیاى حه‌شدى شه‌عبى به‌هاوكارى هه‌ریه‌ك له ( ئیران و توركیا ) و دۆسته‌كانمان له ئه‌مریكا و ئه‌وروپا خۆپیشاندانیان ئه‌نجام دا له‌به‌رده‌م بالیۆزخانه‌ى ئه‌مریكا و نوێنه‌رایه‌تى نه‌ته‌وه‌یه‌كگرتووه‌كان له كوردستان .
له‌یه‌ككاتدا له شاره‌كانى ( هه‌ولێر و له‌نده‌ن و ستۆكهۆڵم و ئۆسلۆ و كۆپنهاگن ) دژ به بێده‌نگى كۆمه‌ڵگاى نێوده‌وڵه‌تى خۆپیشاندان ئه‌نجام دراو بیده‌نگى كۆمه‌ڵگاى نێوده‌وڵه‌تى شه‌رمه‌زار كرا ، له شارى هه‌ولێرى پایته‌ختى كوردستان جه‌ماوه‌رێكى زۆر له خۆپیشانده‌ران چوونه به‌رده‌م نوێنه‌رایه‌تى نه‌ته‌وه یه‌كگرتووه‌كان بی هه‌ڵویستى و بێده‌نگى كۆمه‌ڵگاى نێوده‌وڵه‌تى شه‌رمه‌زارو ریسوا كرا و خۆپیشانده‌ران داواى ڕاگرتنى داگیركارى هێزه‌كانى حه‌شدى شه‌عبى ده‌كه‌ن و دواتر چوونه به‌رده‌م كونسوڵخانه‌ى ئه‌مریكا له هه‌ولێر .
له‌په‌یامێكیدا دوێنێ شه‌وى ڕابردوو ( سه‌رۆك بارزانى ) سه‌رۆكى هه‌رێمى كوردستان داواى له هه‌موو كوردستانیانى ناوخۆى هه‌رێم و ده‌ره‌وه‌و دانیشتووانى شه‌قامى ئه‌وروپى و ئه‌مریكى كرد كه به‌شێوه‌یه‌كى یاسایی و ئاشتیانه‌و دیموكراسیانه بۆ پاڵپشتى له دۆزى ڕه‌واى گه‌له‌كه‌یان چالاكى مه‌ده‌نى ئه‌نجام بده‌ن .
