بارزانی شکستی هێنا ؟؟
بهمن کاك عبداللە
زۆرن ئەوانەی ئیستا زمانیان درێژکردوە و باس لەشکستی بارزانی و ڕیفراندۆم و سەربەخۆیی دەکەن .
بارزانی لەمێژوودا یەکەم سەرکردەی کوردە لەمێژوودا کوردی گەیاندۆتە ڕیفراندۆم بۆ سەربەخۆیی .
بارزانی تەواوی خاکی کوردستانی لەڕووی سەربازیەوە گەڕاندەوە و بەسەرکەوتویش ڕیفراندۆمی لەسەرتاسەری باشوری کوردستان ئەنجام داو هەتا کورد مابیت ئەو ڕیفراندۆمە بەڵگەیە بەدەست کوردەوە .
بارزانی خویندنەوەی راست و دروستی بۆ دۆخی ناوچەکە و دونیاش کردبوو لەکاتی خۆشی ڕیفراندۆمی کرد ، ئەوانەش پییان وایە بەهۆی ڕیفراندۆمەوە توشی شەڕ بووین خۆیان گیل دەکەن یان بوون بەهاو ئاوازی دوژمنانی کورد ئەگینا لیدوانی دووسال پیش ئیستای مالکی و عامری و سەرکردەکانی حەشدیان بینیوە .
ئەوکەسانەی پێیان وایە بارزانی بەهۆی ئەنجامدانی رفراندۆمەوە توشی شەڕی کردین ! گەر بارزانی ریفراندۆمی نەکردبایە دەیانووت موزایدەی کرد و دەرفەتی سەربەخۆی لەدەست کورد دەرکرد .
لەدەست دانی کەرکوک و بەشیکی زوری ناوچە کوردستانیەکان نەشکستی بارزانی بوو نەگلۆپی سەوزی ئەمریکا بوو ، بەڵکو خیانەتی چەن کەسیک بوو بەبێ بەرگری دەستی حەشدیان راکیشایە ناو کەرکوک و شکستیان بەپێشمەرگە هینا ، گەر ئەو بەرگریەیی لە ( پردی و مخمور و تلسقۆف و محمودیە) کرا لە کەرکوک بکرابایە ئەوکات دەتان زانی دونیا دەهاتە سەرخەت و ناوبژیوانی لەبەرژەوەندی ئیمە دەبوو یان نا ؟
بارزانی و پێشمەرگەی کوردستان دوینێ لە پردێ و ئەمرۆ لەمەخمور و تلسقۆف و محمودیە شکۆیان گەڕاندەوە بۆ پێشمەرگە و کوردستان و دونیایی بیدەنگیشیان هێنایە دەنگ .
بارزانی بەقەد مسقاڵە زەڕیەک لە سەربەخۆیی پاشگەز نەبوەتەوەو پاشگەزیش نابێتەوە ، بەڕیفراندۆمیش پاسپۆرتی سەربەخۆیی خستوەتە گیرفانی نەتەوەکەی .
ئەوانەی ئیستا زمان دریژی لەسەر بارزانی دەکەن و داوای بەجێ هێشتنی پۆستەکەی لێ دەکەن ، زۆر باش دەزانن بارزانی دووساڵە داوای بەدیل دەکات کەس جورئەتی نەبوو لێ ی وەرگریت ، دووساڵە بارزانی لەیەک پەیامیشی دا وشەی سەرۆکی بەکار نەهێناوە ، کەجیهان و ناوچەکە پەیوەندی پیوەدەکەن و سەردانی دەکەن وەک سەرۆک و حساب بۆ ئەو سیاسیە فاشلە زمان درێژانە ناکەن ، تاوانی بارزانی چیە ؟
گەر حیکمەتی بارزانی نەبوایە ۱٦ ی ئۆکتۆبەر بەس کەرکوکمان لەدەست نەدەدا بەڵکو شەڕیکی خویناوی براکوژی وا سەری هەلدەدا تەواوی ئەزموونی کوردی تیدا دەچوو .
ئەوانەش ئیستا داوای حکومەتی انقاز و دەست لەکاریشانەوەی بارزانی دەکەن باش دەزانن گەر ئیستا بارزانی نەبێت لە کوردستان حسە پلایس ئەوان دەکاتە خزمەتکاری خۆیی و دەبێت رۆژانە پلایسی مۆدیرنی بەدیاری بۆ ببەن .
بارزانی نەك شکستی نەهێناوە بەلکو سەرکەوتوو ترین سەرکردەی کوردە لە مێژوو داو داهاتووی نزیک زیاتر ئەو سەرکەوتنە روون دەکاتەوە .
