مه‌نسوور بارزانی: پێشمەرگە تانکێکی تری ئەبرامزی ئەمریکی تێکشکاند

مه‌نسوور بارزانی فه‌رمانده‌ی هێزه‌كانی له‌شكری تایبه‌ت و گوڵان، له‌باره‌ هێرشه‌كانی سه‌ر هێزی پێشمه‌رگه‌ له‌لایان ( سوپای پاسداران و میلیشیاكانی حشدی شه‌عبی و حزبڵا لوبنان) رایگه‌یاند”لە شەڕی ئەمڕۆ (26-10-2017)ـی  میحوەری زوممار و رەبیعە 3 تانکی حەشدی شەعبی و سوپای عێراق تێکشکێندراون”.

 

هه‌روه‌ها مه‌نسوور بارزانی ده‌شلێـ” بۆ جارێكی تر له‌و هێرشه‌ بۆ سه‌ر هێزه‌كانی پێشمه‌رگه‌، تانکێکی تر ئەبرامزی ئەمریکی له‌لایان هێزه‌كانی پێشمه‌رگه‌وه‌ تێكشكێنراوه‌، له‌گه‌ڵ چه‌ندین هه‌مه‌ر و باجه‌ر”.

 

بە تێکشکاندنی تانكێكی ئەبرامز لە میحوەری رەبیعە و زوممار دەبێتە دووەم تانکی ئەبرامزی ئەمریکی کە پێشمەرگە لەماوەی هەفتەیەکدا تێکیشکاندبێت، پێشتر فەرماندەیی گشتیی هێزی پێشمەرگەی کوردستان لە شەڕی رۆژی 20-10-2017ـی میحوەری پردێ رایگەیاند، پێشمەرگە زیاتر لە 10 هامەر و تانكێكی ئەبرامزی لەناوبردووە.

ئەم هێرشانە لەکاتێکدایە، رۆژی هەینی 20-10-2017، حەشدی شەعبی لە چەند قۆڵێكەوە هێرشیكردە سەر شارۆچكەی پردێ و هەوڵیدا كۆنترۆڵی بكات، بەڵام هێزەكانی پێشمەرگە رووبەڕوویان بوونەوە و حەوت هێرشی یەك لەدوای یەكیان تێكشكاند. لە شەڕەكەدا نزیكەی 20 تانك و ئۆتۆمبێلی سەربازی حەشد تێكشكێندران، نزیكەی 150 چەكداریشیان كوژران و برینداربوون، حەوت پێشمەرگەش شەهید و ژمارەیەكی دیكەش بریندار بوون.

تانكی ئه‌برامزی ئه‌مریكی
Back to top button