زیاتر له 150 سه‌ركرده‌ی باڵای حه‌شدی شه‌عبی وازیان هێنا
گوتەبێژی فەرمی هۆزە عەرەبەکانی نەینەوا له باره‌ی تێكچوونی په‌یوه‌ندیی نێوخۆیی حه‌شدی شه‌عبی رایده‌گه‌ێنێت” كه له ئێستادا زیاتر لە ١٥٠ سەرکردەیی باڵا ڕیزه‌كانی حەشدی شەعبیان به‌جێهێشتووه و كێشه‌ی زۆر له نێویان هه‌یه.
(مزاحم ئەلحوێت) گوتەبێژی فەرمیی هۆزە عەرەبەکانی نەینەوا باس له جێهێشتنی سه‌ركرده باڵاكانی نێو حه‌شدی شه‌عبی و تێكچوونی بارودۆخی نێوان حه‌شد و پۆلیسی فیدڕاڵی و هێزه‌كانی تری عێراق ده‌كات و رایده‌گه‌ێنێت”كه له ئێستادا حه‌شدی شه‌عبی په‌رت و بڵاو بوونه‌ته‌وه و تووشی كێشه هاتوون ئه‌مه‌ش لە دوای هێرشەکەی حەشدی شەعبی هات بۆ سەر هێزه‌كانی پێشمەرگەی كوردستان لە میحوەری زوممار و مەحموودیە، هۆكاره‌كه‌ش هەر ئه‌وه بووه كه زیاتر لە ١٥٠ سەرکردەیی باڵایان ڕیزه‌كانی حەشدی شەعبیان بەجێهێشتووه، چونكه بارودۆخیان زۆر خراپه و نایه‌نه‌وێ شه‌ڕی پێشمه‌رگه بكه‌ن.
گوتەبێژی فەرمیی هۆزە عەرەبەکانی نەینەوا ئه‌وه‌شی پشتڕاستكردۆته‌وه”كه له ئێستادا زۆر کێشە لە نێو ڕیزی هێزە عیراقیەکان و حەشدی شەعبی و پۆلیسی فیدرالی دا هەن، نایانه‌وێ به‌رامبه‌ر به هێزی پێشمه‌رگه بوه‌ستنه‌وه چونكه دڵنیان له شكستیان.
