ئاژانسی فرانس پرێس: ئه‌ردۆگان مه‌ترسیه‌كانی خۆی ئاشكرا كردووه له‌وه‌ی كورد تۆڵه‌ی لێ بكاته‌وه
ئاژانسى هه‌واڵده‌رى فرانس پرێس ئاشكرا ده‌كات كه ئه‌ردۆگان ترسێكی قووڵی هه‌یه له ده‌نگده‌ری كورد له هه‌ڵبژاردنی داهاتووی توركیا دا و ئاشكرا ده‌كات، سه‌ره‌ڕاى نيگه‌رانييه قوڵه‌كانى ئه‌ردۆگان له هه‌ڵبژاردنى داهاتوو، سه‌رۆككۆماری توركيا ده‌ترسێت ئه‌مجاره ده‌نگى كورده‌كانيش له ده‌ست بدات. چونكه ئه‌ردۆغان وتارى توندى له دژى راپرسييه‌كه‌ى سه‌ربه‌خۆيى كوردستانى عێراق داوه”.
چاودێرانی سیاسی له‌و باره‌یه‌وه ئاشكرا ده‌كه‌ن، له ترسى دۆڕاندنى پارته‌كه‌ى له هه‌ڵبژاردنى داهاتوو ژماره‌يه‌ك له سه‌رۆك شاره‌وانييه‌كانى سه‌ر به حزبه‌كه‌ى ناچار كرد، ده‌ست له‌كار بكێشنه‌وه. هاوكات ئه‌ردۆگان ترسى له تۆڵه‌ى كوردانيش هه‌يه، كه ئه‌مجاره ده‌نگى پێ نه‌ده‌ن، به هۆى ئه‌و هه‌ڵوێستانه‌ى ئه‌ردۆگان له دژى راپرسى سه‌ربه‌خۆيى كوردستان هه‌يبوون.
سه‌ركه‌وتنى نه‌خێر له ئه‌نقه‌ره و ئه‌سته‌نبوڵ بووه‌ته شۆكێك بۆ پارته‌كه‌ى ئه‌ردۆگان، به‌و پێيه‌ى ئه‌و دوو شاره له هه‌ڵبژاردنه‌كاندا سه‌نگێكى گه‌وره‌يان هه‌يه و كاريگه‌ريان له‌سه‌ر ئه‌نجامى هه‌ڵبژاردن ده‌بێت.
شایانی باسه ئه‌مه له كاتێكدايه بڕياره له تشرينى دووه‌م. نۆڤه‌مبه‌رى 2019دا هه‌ڵبژاردن له توركيا ئه‌نجام بدرێت و به‌ر له هه‌ڵبژاردنى گشتيش، بڕياره له ئازار/ مارسى 2019دا هه‌ڵبژاردنى شاره‌وانييه‌كان ئه‌نجام بدرێت.
