ئه‌مڕۆ..كۆبونه‌وه‌یه‌كی گرنگ به‌سه‌رپه‌رشتی “نێچیرڤان بارزانی”له ئه‌نجوومه‌نی وه‌زیران به‌ڕێوه‌ده‌چێت
وا بڕیارە ئەمڕۆ سەرۆكایەتی ئەنجوومەنی وەزیرانی ھەرێمی كوردستان، لەگەڵ پارێزگار و سەرۆكایەتی ئەنجوومەنی پارێزگاكان كۆببێته‌وه و چەند پرسێكی تایبەت بە ئیدارە و ژیانی ھاووڵاتیان تاوتوێ بكەن”.
به‌پێی زانیارییه‌كانی (خواكوڕك) ئه‌مڕۆ یه‌ك شه‌ممه 5/11/2017 بڕیارە ئه‌نجوومه‌نی وه‌زیران له‌گه‌ڵ پارێزگار و سەرۆكایەتی ئەنجوومەنی پارێزگاكان كۆببێته‌وه، واش پێشبینی ده‌كرێت كه لە كۆبوونەوەكەدا باس لە چارەسەری مووچەی فەرمانبەران و شێوازی دابەشكردنی مووچە بكرێت، دەیانەوێت رێگەچارەیەك لە رێگەی داھاتی پارێزگاكان بدۆزرێتەوە، ھەروەھا رێگەچارە بۆ كێشە خزمەتگوزارییەكانی پارێزگاكان دادەنرێت”.
هه‌ر به‌پێی زانیارییه‌كان” لە تەوەرێكی دیكەی كۆبوونەوەكەدا باس لە سەردانی شاندی ھەرێمی كوردستان بۆ بەغدا دەكرێت و دەیانەوێت كێشەی ھەموو پارێزگاكان بكرێت بە پاكێجێك و لەگەڵ بەغدا گفتوگۆی لەبارەوە بكەن، بۆ ئه‌وه‌ی كێشه‌كان به تێكڕا چاره‌سه‌ری بۆ بدۆزنه‌وه.
