پلان(B) گرووپی خیانەتکاران بۆ فرۆشتنی کەرکووک ئاشکرا دەبێت کە زۆر مەترسیدارە
دوای خیانەتی ۱٦ی ئۆکتۆبەر کە میلیشاکانی حەشدی شەعبی و سوپای پاسداران بەهاوکاری گرووپی خیانەتکاری یەکێتی لەڕێگای ریککەوتنی نەهێنی کە راستەوخۆ لەنێوان بافێل و لاهور تالەبانی و قاسم سلێمانی ئیمزاکراوە، کەرکووک داگیرکرا.
بەپێی چەند زانیاریەک کە دەست (خواکوڕک) کەوتوون، خیانەتەکە بەپێی پیڵانی خیانەتکاران و میلیشاکان بە م شێوازە بەڕێوەبچێت، لەسەرەتادا پلان (A) جێبەجێ بکرێت کە هەوڵبدرێت لەڕێگای پاشەکشێی هێزەکانی پێشمەرگەی یەکەی حەفتای سەربە یەکێتی لەتەواوی میحوەرەکانی کەرکووک و دەوروبەر دەست پێبکرێت، ئەگەر چەند یەکەیەک پاشەکشەی نەکرد، لەپشتەوە دژەتیرۆری یەکێتی و لە پێشەوەش میلیشیاکان رووبەڕوویان ببنەوە.
زانیاریەکان ئەمەشیان ئاشکرا کرد، کە لەئەگەری سەرنەکەوتنی پلان(A) ئەوا ئامادەکاری تەواو بۆ پلان (B) بکرێت کە لە ڕێگای چوار پەرلەمانتاری یەکێتی (ئاڵا تالەبانی ، شوان داودی، حەمە سور شوانی ، ڕێبوار تەها) راپۆرتێک کە زانیاری تەواوی لەبارەی میحوەرەکانی پێشمەرگەو ژمارەی پێشمەرگەو جۆری چەک و چەکی قورس و بارەگاکانی پێشمەرگە راپۆرتێک دراوەتە سەرۆکی عەسائیبی ئەهلی هەق (قەیس خەزعەلی) بۆئەوەی ئامادەکاری تەواو بکرێت لە ئەگەری رووبەرووبوونەوەی پێشمەرگە، حەشد ئامادەیی رووبەرووبوونەوە بکات.
شایەنی باسە لە ئەنجامی داگیرکردنی کەرکووک کە جگە لەوەی هەزاران خێزانی کورد ئاوارەبوون، زیاتر لە ۲۰۰ پێشمەرگە شەهیدو بریندار بوون، ئێستا پرۆسەیەکی ترسناکی بەعەرەبکردنی کەرکووک دەست پێکراوە، هەزاران خێزانی عەرەب هێنراونەتە شارەکە، تەنانەت رێگا نادەن گرووپی خیانەتکاران لە کەرکووک کە چەند بنکەیەکیان لەژێر دەستە بە چەکەوە پاسەوانی لە بارەگاکانیان بکەن.
