سوپای توركیا له ده‌روازه‌یكی دیكه ده‌چێته خاكی سوریا
خواكوڕك
یه‌كه سه‌ربازیه‌كانی سوپای توركیا له شاری الراعی كه ده‌كه‌وێته ناوچه سنوریه‌كانی سوریا به‌دووری ده‌یان كیلۆمه‌تر له جه‌رابلوس، بۆ پشتیو‌انی كردن له هێرشێكی چاوه‌ڕوانكراوی سوپای سوریای ئازاد بۆ سه‌ر ئه‌و شاره، ده‌چێته ناو خاكی ئه‌و وڵاته.
سه‌رچاوه‌یه‌كی سه‌ربازی سوپای ئازاد به كه‌ناڵی جه‌زیره‌ی رایگه‌یاندووه، چه‌ند هێزێكی تایبه‌تی توركی كه چه‌كی قورسیان له‌گه‌ڵه له‌سنوری شاری الراعی هاتوونه‌ته ناوه‌وه و ئاماده‌كاری ده‌كه‌ن بۆ هێرشێكی فراوان بۆ سه‌ر ئه‌و شاره و رزگاركردنی له‌ده‌ستی رێكخراوی داعش. هه‌روه‌ها رایگه‌یاند ئه‌م هێزه له چواچێوه‌ی ئۆپه‌راسیۆنی (قه‌لغانی فرات) هه‌مان ئامانجیان هه‌یه و ده‌یانه‌وێت ناوچه‌یه‌كی زیاتر له داعش پاك بكه‌نه‌وه
به‌شێكیتر له‌سه‌رچاوه رۆژنامه‌وانیه‌كان ئاماژه به‌وه‌ده‌كه‌ن كه‌له به‌شی رۆژهه‌ڵاتی حه‌له‌ب هێزه‌كانی سوپای ئازاد ئاماده‌كاری ده‌كه‌ن بۆ هه‌ماهه‌نگكردنی ئه‌و هێزانه‌ی توركیا تاوه‌كو له به‌ره‌یه‌كی دیكه‌وه هێرش بكه‌نه سه‌ر ئه‌و شاره.
