كۆمسیۆن له باره‌ی دواكه‌وتنی پاداشتی كارمه‌ندان له رۆژی ریفراندۆم روونكردنه‌وه ده‌دات
گوتەبێژی كۆمیسیۆنی باڵای هەڵبژاردن و ڕاپرسی هەرێم له باره‌ی دواكه‌وتنی ئه‌و بڕه پاره‌یه‌یی كه بۆ كارمه‌ندانی كۆمسیۆن له رۆژی 25/9 روونكردنه‌وه ده‌دات و ده‌ڵێت”هۆكاری دواكەوتنی دابەشكردنی ئەو بڕەپارەیە دەگەڕێتەوە بۆ ئالیەتی دەستنیشانكردنی شوێنی دابەشكردنی ئەو پارەیە كە ئایا لە بانكەكان بێت یان لە ڕێگەی ئۆفیسەكانی كۆمیسیۆن”.
(شیروان زرار) گوتەبێژی كۆمیسیۆنی هەڵبژاردنەكانی هەرێم ئه‌وه‌شی راگه‌یاندوه” هۆكاری دواكەوتنی دابەشكردنی ئەو بڕەپارەیە دەگەڕێتەوە بۆ ئالیەتی دەستنیشانكردنی شوێنی دابەشكردنی ئەو پارەیە كە ئایا لە بانكەكان بێت یان لە ڕێگەی ئۆفیسەكانی كۆمیسیۆن، ئه‌مه له كاتێكدایه كه هۆكارێكی دیكەی دواكەوتنی دابەشكردنەكە كۆتایی نەهاتنی پرۆسەی وردبینیەكەیە لە ئۆفیسەكانی پارێزگاكان بەڵام كارمەندان دڵنیا دەكەینەوە كە لە نزیكترین كاتدا ئەو بڕە پارەی دابەش دەكرێت و لە پارێزگای هەڵەبجەوە دەستمان پێكردوە”.
ئه‌وه‌ی دیاریكراوه” بڕیارە بۆ هەر كارمەندێكی ڕۆژی بەڕێوەچوونی ڕیفراندۆمەكە لە هەرێمی كوردستان 120 هەزار دینار و بۆ ناوچە كوردستانیەكانی دەرەوەی هەرێمیش 180 هەزار دینار خەرج بكرێت.
أ.س
