له ئێران هاووڵاتیه‌كی تری كورد له سێداره‌درا
له درێژه‌ی كاره قیزه‌وه‌نه‌كانی حكومه‌تی ئێرانی دژ به رۆڵه‌كانی كورد، بەپێی ناوەندەكانی مافی مرۆڤی كوردستان، ھاووڵاتییەكی كوردی خەڵكی شاری ئیلامی رۆژھەڵاتی كوردستان، لە زیندانی ناوەندی شاری ئیلام لە سێدارەدرا.
به‌پێی ناوەندەكانی مافی مرۆڤی كوردستان (عەلیرەزا سادقی) خەڵكی ئیلامە و بە تۆمەتی كوشتنی بە ئەنقەست، رۆژی شەممە لە زیندانی شاری ئیلام حوكمی لەسێدارەدانی بەسەردا جێبەجێ كراوە.
ئه‌وه‌ی شیاوی باسه” ئێران لە ریزبەندی یەكەمی ئەو وڵاتانەیە كە زۆرترین رێژەی لەسێدارەدانی تێدا جێبەجێدەكرێت و ھەفتەی رابردووش لیژنەی گشتیی مافی مرۆڤی سەر بە نەتەوە یەكگرتووەكان بەھۆی بەرزبوونەوەی رێژەی لەسێدارەدانەكان و پێشێلكارییەكانی مافی مرۆڤ، بڕیارنامەیەكی دژ بەو وڵاتە دەركرد، به‌ڵام حكومه‌تی ئێرانی به‌رده‌وامه له پێشێلكارییه‌كان دژی كوردانی ئه‌و ووڵاته و رۆژانه به‌رده‌وامه له‌سه‌ر كاره‌قیزه‌وه‌نه‌كانی دژ به گه‌لی كورد.
