بەتەمەنترین سەرۆكی جیهان لە پۆستەكەی دوورخرایەوە
رۆبەرت موگابی سەرۆكی زیمبابۆی لەسەر كارلادرا و جێگری پێشو لە شوێنەكەی دانرا.
بە گوێرەی هەواڵێكی كەناڵی بی بی سی-ی بەریتانی، ئەمڕۆ پارتی دەسەڵاتدار لە زیمبابۆی، رۆبەرت موگابی سەرۆكی ئەو وڵاتەی لە پۆستەكەی لادا و مەرسۆن منان گاگوا جێگری لادراوی پێشوی سەرۆكی ئەو وڵاتە، بە سەرۆكی زیمبابۆی دەستنیشانكرد.
دوو هەفتە لەمەوبەر موگابی ئەو جێگرەی خۆی لە پۆستەكەی دورخستەوە و بەنیازبوو گریس مۆگابی هاوسەری بكاتە سەرۆكی زیمبابۆی، بەڵام ئەو هەوڵەی لەلایەن سوپاوە شكستیپێهێنرا و ئەمڕۆش پارتی دەسەڵاتدار بە یەكجاری موگابی تەمەن 93 ساڵی لە پۆستەكەی دورخستەوە.
