دەستگیرکردنی سەرۆکی پێشوی ئێران نزیکە
ئاژانسەکانی هەواڵ ئاماژە بەوە دەکەن کە دەسەڵاتی ئێستای ئێران لە خۆ ئامادەکردنە بۆ دەستگیر کردنی ئەحمەدی نەجات سەرۆکی پێشوی ئێران.
پێگەی آمد نیوز ی ئێرانی باس لە هەوڵەکانی دەزگای هەواڵگری حەرەس سەوری و دەسەڵاتی دادوەری دەکات بۆ دەستگیرکردنی نەجات و کەسە نزیکەکانی،هاوکات سادق لاریجانی سەرۆکی دادگای قەزائی دەیەوێت سود لە سەرقاڵی هاوڵاتیانی ئێرانی بە بومەلەرزەی ئەم دواییەوە وەرگرێت و بە زوویی نەجات دەستگیر بکرێت.
ناکۆکی نێوان خامنەیی و نەجات هۆکاری بڕیاری دەستگیرکردنی نەجاتە و هەر ئەوەش هۆکار بوو بۆ داخستنی ماڵپەڕی دەوڵەت بەهاری سەربە ئەحمەدی نەجات،جیا لەوە بەهۆی بوونی زانیاری هەستیار لای ژمارەیەک کەسی نزیک لە نەجاتەوە کە لە دەرەوەی ئێرانن،حەرەس سەوریی ئێران پیلانی کوشتنیانی خستۆتە بەرنامەوە.
