به‌په‌له‌..جارێكی تر بومه‌له‌رزه‌ شارێكی تری كوردستانی هه‌ژاند.

ئه‌مڕۆ هه‌ینی جارێكی تر بومه‌له‌رزه‌ له‌ رۆژهه‌ڵاتی كوردستان له‌ ناوچه‌ی (برووجێرد) له‌ سنوورى پارێزگاى لوڕستانى دا.

ناوه‌ندى بومه‌له‌رزه‌زانى سه‌ر به‌ ده‌زگاى جیوفیزیایی له‌ زانكۆى تاران رایگه‌یاندوه‌” كه‌ ئه‌مڕۆ به‌ره‌به‌یان 24/11/2017 كاتژمێر 2:00ى به‌یانی هه‌ینی، بومه‌له‌رزه‌یه‌ك به‌ گۆڕى 4.3 پله‌ به‌ پێوه‌رى ڕێخته‌ر، له‌ شارى برووجێردى پارێزگاى لوڕستانى دا”.

به‌ پێی زانیاری ناوه‌نده‌كه‌” ناوه‌ندى قوڵایی بومه‌له‌رزه‌كه‌ 10 كیلۆمه‌تر له‌ ژێر زه‌ویی بووه‌ و ته‌نها 9 كیلۆمه‌تر له‌ شاره‌كه‌وه‌ دوور بووه‌، به‌ڵام تائێستا هیچ زیانێك به‌هۆى ئه‌و بومه‌له‌رزه‌وه‌ ڕانه‌گه‌یاندراوه‌.

ئه‌وه‌ی شیاوی باسه‌” ئه‌مه‌ چه‌نده‌مین جاره‌ بومه‌له‌رزه‌ له‌ شاره‌كانی رۆژهه‌ڵاتی كوردستان ده‌دا و پێشتریش له‌ شاره‌كانی كرماشان و سه‌رپێل زه‌هاو و چه‌ند ناوچه‌یه‌كی تر دا بوو ئه‌مه‌ سه‌ره‌ ڕای ئه‌وه‌ی باشووری كوردستانیش بێ به‌ش نه‌بوو له‌ بومه‌له‌رزه‌ و زه‌ره‌ر و زیانێكی زۆری لێككه‌وتوه‌، له‌ 12ی ئه‌م مانگه‌ و رۆژانی دواتریش.