ئه‌و ئه‌فسه‌ره‌ی ئاڵای كوردستانی له‌كه‌ركووك هێنا خواره‌وه ئاڵای عێراقی هه‌ڵدا كوژرا
ئه‌فسه‌رێكی میلیشیاكانی عێراق كه له‌پاش خیانه‌تی 16ی ئۆكتۆبه‌ر و داگیركردنی كه‌ركووك، ئاڵای كوردستانی هێنا خواره‌وه و ئاڵای عێراقی هه‌ڵدا رۆژی دووشه‌ممه، له شاری به‌غدا له‌به‌رده‌م ماڵه‌كه‌ی ده‌كوژرێت، له‌و باره‌یه‌وه سه‌رچاوه‌یه‌كی ئه‌منی به به‌غداد نیوزی راگه‌یاندووه”كوشتنی ئه‌فسه‌رێك به‌ناوی ئه‌حمه‌د سه‌ڵاح حه‌نون به پله‌ی نه‌قیب له به‌رده‌م ماڵه‌كه‌ی راگه‌یاند و ده‌شلێـ”ئه‌و ئه‌فسه‌ره هه‌مان ئه‌و ئه‌فسه‌ر بوو كه ئاڵای عێراقی له‌به‌رده‌م باڵه‌خانه‌ی ئه‌نجوومه‌نی پارێزگای كه‌ركوكی هه‌ڵكردبوو”.
سه‌رچاوه‌یه‌كی ئه‌منی كه نه‌یویستووه ناوی ئاشكرا بكرێت به به‌غداد نیوزی راگه‌یاندووه ئه‌و ئه‌فسه‌ره‌ی كه ئاڵای عێراقی له‌كه‌ركووك هه‌ڵدا، له‌لایان ژماره‌یه‌ك چه‌كداری نه‌ناسراو به ماتۆرسكل هێرشیان كردۆته سه‌ری و له به‌رده‌م ماڵه‌كه‌یان له ناوچه‌ی حوڕیه‌ی باكووری رۆژئاوای شاری به‌غدا كشتوویانه، ئاشكراشیكرد “ئه‌و چه‌كداره نه‌ناسراوانه ته‌قه‌یان له ناوبراو كردووه و برینداریانكردووه، به‌ڵام به‌هۆی سه‌ختی برینه‌كه‌یه‌وه له‌كاتی گواستنه‌وه‌ی بۆ نه‌خۆشخانه، له‌ڕێگا گیانی له‌ده‌ستداوه”.
ماڵپه‌ڕی به‌غداد نیوز ئه‌وه‌شی ئاشكرا كردووه، ئه‌و چه‌كدارانه به‌ره‌و شوێنێكی نادیار رایانكردووه و گوتیشی “ئه‌حمه‌د ئه‌و ئه‌فسه‌ره بوو كه دواى چوونی هێزه‌كانی دژه‌تیرۆری عێراقی بۆ ناو شاری كه‌ركوك، ئاڵای عێراقی له‌به‌رده‌م باڵه‌خانه‌ی ئه‌نجوومه‌نی ئه‌و پارێزگایه هه‌ڵكردبوو”.
.jpg)
