داعش به‌رپرسیاره‌تی خۆی له‌ هێرشه‌كه‌ی ناوچه‌ی نه‌هره‌وان راگه‌یاند

شەوی رابردوو داعش لە رێگای ژمارەیەك خۆكوژەوە هێرشیكردەسەر ناوچەیەكی بازرگانی لە ناحیەی نەهروان لە باشووری خۆرهەڵاتی بەغدا.

بەهۆی ئەو هێرشەوە، هەشت كەس كوژران و یازدەی دیكەش بریندار بوون.

ئەفسەرێكی پۆلیس بە فرانس پرێس-ی راگەیاند، پێنج خۆكوژ هێرشیان كردووەتە سەر بازاڕێك لە ناوچەی نەهروان كه‌ ده‌كه‌وێته‌ 35 كیلۆمتری باشوری خۆرهەڵاتی بەغدا، پۆلیسی عێراق 3 كه‌سی له‌خۆكوژه‌كان كوشتووه‌و 2 خۆكوژه‌كه‌ی دیكە خۆیان تەقاندەوە.

هه‌روه‌ها ئه‌و ئه‌فسه‌ره‌ی پۆلیس وتیشی “یازدە كەس بریندار بوون، كە نۆیان مەدەنین و دوویان لە هێزە ئەمنییەكانن”.
لای خۆیەوە داعش بەرپرسیارێتی لە هێرشەكە راگەیاند.