توركیا ڕێگری كردووە لە چوونی لیوای سەرۆككۆماری عێراق بۆ خورماتوو
![](https://xwakurk.com/wp-content/uploads/2017/11/90-1.jpg)
فوئاد مەعسوم سەرۆك كۆماری عێراق هۆكاری نەهاتنی لیوای تایبەتی پاسەوانی سەرۆكایەتی كۆمار بۆ قەزای دوزخورماتو ئاشكرا دەكات كە بەهۆی ناڕەزایەتی وڵاتی توركیا بووە .
بە گوێرەی زانیاریەكان لەكاتی كۆبونەوەی فوئاد مەعسوم لەگەڵ شاندی ئاوارەكانی قەزای دوزخورماتو باس لە نەهامەتیەكانی خەڵكی قەزاكە و سوتاندی ماڵەكانیان كراوە.
لەوبارەوە سەرۆك كۆمار ئاشكرای كردووە توركیا ناڕازی بووە هێزێكی سەرۆكایەتی كۆمار بهێنرێتە قەزاكە بۆ دابینكردنی ئاسایشی شارەكە.
لە دوای ڕوداوەكانی 16ی ئۆكتۆبەر و هاتنی حەشدی شەعبی بۆ ناوچە كوردستانیەكانی دەرەوەی كوردستان، سەرجەم هاوڵاتیانی كوردی قەزای دوزخورماتوو ئاوارەبوون و ماڵەكانیشیان لەلایەن ئەو هێزانەوە سوتێنرا.