یه‌كه‌م هه‌نگاو بۆ كۆتایی هێنان به‌ده‌سه‌ڵاتی ئه‌ردۆگان له‌ئه‌مریكا ده‌ستی پێكرد
ره‌زا زه‌راب سه‌رۆمایه‌داری توركی به‌ره‌چه‌ڵه‌ك ئێرانی له چوارچێوه‌ی دادگاییه‌كانی دا له ئه‌مریكا سه‌باره‌ت به ئابلوقه‌ی ئابووری و داراییه‌كانی ئه‌مریكا له‌سه‌ر ئێران، وه‌ك شایه‌د رایگه‌یاندووه، كاتی خۆی 45 بۆ 50 ملیۆن پۆرۆی وه‌ك به‌رتیل داوه‌ته وه‌زیری ئابووری پێشووی توركیا ( زه‌فه‌ر چاغڵایان) و ده‌شلێـ” پاره‌ی تری زۆری داوه به‌ڵام له‌ئێستادا له‌بیری نیه”.
دادگایی ره‌زا زه‌راب له ئه‌مریكا له چوارچێوه‌ی كه‌یسێكدا كه تایبه‌ته به شكاندنی ئابڵوقه ئابووریه‌كانی ئه‌مریكا له‌سه‌ر ئێران كه دووساڵه له ئه‌مریكا ده‌ستگیركراوه، تۆمه‌تباره به‌وه‌ی له‌رێگه‌ی هاڵك بانكی توركی كه نزیكه له ئه‌ردۆگان، و به‌رپرسی باڵاكانی توركیایه، له دادگایه‌كه ئه‌وه روون بۆته‌وه، به‌هاوكار به‌رپرسانی باڵای حكومه‌تی توركیا ئه‌و ئابلۆقه‌یه‌ی توركیایی شكاندووه”.
سه‌رچاوه‌ی ئاژانسه‌كان ئه‌وه‌یان ئاشكرا كردووه، كه ره‌زا زه‌راب ئێستا وه‌ك سندووقێكی ره‌شی زانیاری وایه له‌باره‌ی حكومه‌تی تیمی حكومه‌تی ئه‌مریكا و ئه‌ردۆگان، چونكه زانیاری زۆر لایه و له‌و باره‌یه‌وه ئه‌گه‌ری زۆره بیدات به دادگا و له‌به‌رامبه‌ریشدا له‌بری تۆمه‌تبار وه‌ك شایه‌تحاڵ مامه‌ڵه‌ی له‌گه‌ڵ بكرێت”.
هه‌ر له‌باره‌ی كاره‌كانی له‌گه‌ڵ هاڵك بانكدا ره‌زا زه‌راب ده‌لێـ” سه‌رتا ویستوویه‌تی له‌گه‌ڵ ئه‌و بانكه‌دا كار بكه، به‌رێوه‌به‌ری بانكه‌كه رازی نه‌بووه، پێی گوتووه، به‌هۆی به‌هۆی خێزانه‌كه‌ت، ( ئیبرۆ گونده‌ش) كه گۆڕانبێژێكی ناسراوه، له‌به‌رچاو ده‌بێت بۆیه ئیشت له‌گه‌ڵ ناكه‌ین، بۆچاره‌سه‌ری ئه‌و كێشه‌یه، ره‌زا ده‌لێـ” په‌یوه‌ندیم كرد به وه‌زیری پێشووی ئابووری توركیا، زه‌فه‌ر چاغڵایان و له‌گه‌ڵ ئه‌ودا رێكه‌وتین، كه قازانجی ئیشه‌كان 50 به 50 دابه‌ش بكه‌ین، هه‌روه‌ها بڕی 45 بۆ 50 ملیۆن یرۆ و 7 ملیۆن دۆلار له‌گه‌ڵ 2.4 ملیۆن لیره‌ی داوه به وه‌زیری پێشووی ئابووری توركیا”.
هه‌ر له‌وكاته‌ی كه ره‌زا زه‌راب ده‌ستگیر كراوه له ئه‌مریكا ئه‌ردۆگان زۆری هه‌وڵی داوه كه ناوبراو ئازاد بكرێت و دادگایی نه‌كێرت به‌ڵام ئه‌و هه‌وڵانه بێ سوود بوونه، چاودێرانی توركیاش ئه‌و هه‌وڵه‌ی ئه‌ردۆگان، بۆ رێگری كردن له دادگا بۆ ئه‌وه بووه، كه ناوبراو وه‌ك سندووقی ره‌ش وایه له‌باره‌ی زانیاری له‌سه‌ر ئه‌ردۆگان و تیمه‌كه‌ی له حكومه‌تی توركیادا”.
