تادێت له‌ناو گۆڕان هه‌ڵوێسته‌كان دژی خیانه‌تكارانی 16ی ئۆكتۆبه‌ر زیاد ده‌بێت
رۆژ دوای رۆژ ناره‌زایه‌تی گۆڕانخوازه‌كان دژی خیانه‌تكارانی 16ی ئۆكتۆبه‌ر و فرۆشتنی كه‌ركووك فره‌وانتر ده‌بێت و هه‌ڵسوراوێكی تر گۆڕان ده‌لێـ”ده‌بێت سه‌رجه‌م ئه‌و كه‌سانه‌ی كه خیانه‌تیانكردووه له 16ی ئۆكتۆبه‌ر و فرۆشتنی كه‌ركووك و خانه‌قین و خورماتوو، بدرێنه دادگا، دادگایی بكرێن”.
په‌یمان عه‌بدولكه‌ریم هه‌ڵسوراوی دیاری گۆڕان له لێدوانێكی دا رایگه‌یاندووه”ئەوانەی دەستیان لە 16ی ئۆکتۆبەردا هەبووە، دەبێت سەرجەمیان دادگایی بکرێن و راپێچی دادگا بکرێن، چونکە ئەوەی کرا، جگە لە خیانەت، هیچ شتێکی دیکە هەڵناگرێت و ده‌شلێـ”سەرجەم ئەو کەسانەی لە ڕووداوی خیانەتەکەی 16ی ئۆکتۆبەردا تێوەگلاون، لێکۆڵینەوەیان لەگەڵدا بکرێت و پەرلەمانی کوردستانیش لێژنەیەک بۆ ئەم پرسە پێکبهێنێت.
ئه‌و هه‌ڵسوراوه‌ی گۆڕان” جەختی لەوە کردەوە، دەبێت ئەم پرسە لە پەرلەمانی کوردستان یەکلا بکرێتەوە، چونکە: ئەو بابەتە کوردستانی خستە بەردەم مەترسییەوە و پاشه‌كشه‌ی پێكردووه به‌شێوه‌یه‌ك كه ئێستا به‌غدا به‌هه‌موو شێوه‌یه‌ك ده‌یه‌وێت كورد وه‌ك دۆراوی جه‌نگ ببینێت و مامه‌ڵه‌ی له‌گه‌ڵ بكات”.
شایانی باسه له خیانه‌تی 16ی ئۆكتۆبه‌ر گروپێكی كاڵفامی ناو یه‌كێتی رێكه‌وتنێكیان له‌گه‌ڵ میلیشیاكانی حشدی شه‌عبی و سوپای پاسدارانی ئێران و حزبڵا لوبنانی ئه‌نجامدا بۆ راده‌ستكردنه‌وه‌ی ( كه‌ركووك و خانه‌قین و دوزخورماتوو) دەستیان بەسەر داگرت و سەدان هاووڵاتیی کوردیان شەهید و بریندار کرد و نزیکەی 200 هەزار کەسیش لەو سنوورە ئاوارە بوونڕۆژی 18ی ئۆکتۆبەر کۆسرەت ڕەسول عەلی، جێگری یەکەمی سکرتێری گشتیی یەکێتی لە پەیامێکدا ڕای گەیاند: ئۆباڵی کارەساتەکانی کەرکووک و خورماتوو لە ئەستۆی کاڵفامەکانی نێو یەکێتی دایە”.
