شیرین ئەمین : مەحمود سەنگاوی دەیەوێت دۆسیەی هاوسەرەكەی بە عەشایەری یەكلایی بكاتەوە
![](https://xwakurk.com/wp-content/uploads/2017/12/6-2.jpg)
دوای تێپەڕینی چوار ساڵ بەسەر تیرۆركردنی رۆژنامەنوسێكی گەرمیان ئەمڕۆ لە كەلار بۆ یادی ساڵرۆژی تیرۆركردنی رێورەسمێك بەڕێوەچوو.
كاوە ئەحمەد ناسراو بە كاوە گەرمیانی پەیامنێری رۆژنامەو سایتی ئاوێنەو رادیۆی ئازادی و گۆڤاری رایەڵ بوو كە لە٥ی12ی 2٠1٣ لەگەڕەكی سەركەوتنی قەزای كەلار لەبەردەم ماڵەكەی كوژراو دواتر كەسێك بەتاوانی كوشتننەكەی دەستگیركراوە.
لای خۆیەوە ” شیرین ئەمین” هاوسەری كاوە گەرمیانی ڕایگەیاند :نائومێدبون لە دادگاكانی كوردستان، چونكە لە دۆسیەی تیرۆركردنی كاوە گەرمیانیدا هیچیان پێناكرێت و دادگا هیچ كات سەربەخۆیی و سەروەری یاسای لەو دۆسیەیەدا پەیڕەو نەكردوە.
هەروەها هاوسەری كاوە گەرمیانی ڕاشیگەیاند: چەندین جار سكاڵایان لەسەر مەحمود سەنگاوی ئەندامی مەكتەبی سیاسیی یەكێتیی نیشتمانی كوردستان تۆماركردوە، بەڵام ویستویەتی دۆسیەكە لە رێگەی عەشایەریەوە یەكلایی بكاتەوە، بەڵام دەرگای بەڕودا داخراوە.