دواین زانیاری له‌باره‌ی ته‌قینه‌وه‌ی كه‌مپی مه‌خموور ئاشكرا ده‌بێت
به‌گوێره‌ی زانیاریه‌كانی ده‌ستی خواكوڕك كه‌وتووه ته‌قینه‌وه‌یه‌ك له كه‌مپی مه‌خمووری ئاواره‌كانی باكوری كوردستان، روویداوه‌و بریندار و شه‌هید هه‌نه، قایمقامی مه‌خموور رزگار مسته‌فاش ده‌لێت”تەقینەوەیەکی بەهێز لەنێو کەمپی ئاوارەکانی باکووری کوردستان لە مەخموور روویدا و بەپێی ئەو زانیاریانەی لەنێو لیژنەی کەمپەکە بە ئێمە گەیشتوون ژمارەیەکی زۆر ئاوارە گیانیانلەدەستداوە و برینداربوون”.
هه‌ر به‌گوێره‌ی زانیاریه‌كانی ده‌ستی خواكوڕك كه‌وتووه، ژماره‌ی شه‌هید و بریندار بوونی ته‌قینه‌وه كه تاوه‌كو ئێستا 3 شه‌هید و 7 بریندار بڵاو كراوه‌ته‌وه، به‌ڵام قایمقامی قه‌زای مه‌خموور ده‌شلێـ” تاوەکو ئێستا نەزانراوە تەقینەوەکە بەهۆی چییەوە بووە، بەڵام لە لێکۆڵینەوە بەردەوامین و زانیاریشمان بەدەست گەیشتووە کە بارەگایەکی نێو کەمپەکە بە تەواوی وێرانبووە”.
له‌نێو كه‌مپی مه‌خموور ئاواره‌كانی باكوری كوردستان كه رێژه‌ی 2700 خێزانه ده‌ژین، رێژه‌ی دانیشتوانی ئه‌و كه‌مپه 12 هه‌زار و 500 كه‌سه، ئه‌و كه‌مپه نزیكه‌ی 60 كیلۆمه‌تر له سه‌نته‌ری شاری هه‌ولێره‌وه دووره، له ساڵانه‌ی نه‌وه‌ده‌كاتی سه‌ده‌ی رابردوو بۆ ئه‌و ئاوارانه دروست كراوه، كه خه‌ڵكی باكوری كوردستان تێیدا نیشته‌جێن”.
