لە هەرێمی كوردستان حكومەتی ئەلیكترۆنی ڕاگەیەنرا
ئەمڕۆ پینج شەممە ٧/١٢/٢٠١٧ لە هەرێمی كوردستان حكومەتی ئەلیكترۆنی ڕاگەیەندراو وەزیری ناوخۆش ڕایگەیاندبەهۆی ئەو پرۆژەیەوە ، دەتوانێت كارەكانی حكومەت خێراتر و ڕێگری لە گەندەڵی بكرێت.
ئەمڕۆ كەریم سنجاری وەزیری ناوخۆی حكومەتی هەرێمی كوردستان لە كۆنفرانسێكدا پڕۆژەی حكومەتی ئەلیكترۆنی و سەنتەری خزمەتگوزاری ڕاگەیاندو ئاماژەی بەوە دا ” گۆڕینی سیستمی كۆنی كاغەز لە كاروباری حكومەت بۆ ئەلیكترۆنی نوێ بە مەبەستی پێشكەشكردنی خزمەتگوزاری كارگوزاریی كوالێتی بەرزە بە هاوڵاتیان و مامەڵە لەگەڵ بازرگانەكان و بەڕیوەبردنی وەزارەتی ناوخۆ و كارەكانی حكومەت خێرا و شەفاف دەكات، ڕێگریش لە گەندەڵی دەكات.”
وەزیری ناوخۆ راشیگەیاند” وەزارەتی ناوخۆ پابەندە بە جێبەجێكردنی ئەو پڕۆژەیە و بە هاوكاری ڕێكخراو و هاوبەشە نێودەوڵەتییەكانیش سەرەتا جێبەجێكردنی پڕۆژەی حكومەتی ئەلیكترۆنی لە وەزارەتی ناوخۆوە دەستپێدەكات.
پرۆگرامی گەشەپێدانی نەتەوە یەكگرتووەكان UNDP بڕی ٢٠٠ هەزار دۆلاری وەك پێشەكی بۆ جێبەجێكردنی ئەو پرۆژەیە تەرخان كردووە.
