حكومه‌تی كوردستان: عێراق و وڵاتانی رۆژئاوا هاوكاری ئاواره‌كانی كوردستان ناكه‌ن
فه‌لاح مسته‌فا به‌رپرسی فه‌رمانگه‌ی په‌یوه‌ندیه‌كانی ده‌ره‌وه‌ی هه‌رێمی كوردستان، له لێدوانێكی دا بۆ گۆڤاری نیوزویكی ئه‌مریكی ئاشكرایی ده‌كات كه حكومه‌تی هه‌رێمی كوردستان به‌رده‌وامه له هاوكاری كردنی ئاواره‌كان به‌ڵام به‌غدا و وڵاتانی رۆژئاوا، هاوكاری ئاواره‌كانی كوردستان ناكه‌ن”.
ئه‌مرۆ له وتارێكی دا له گۆڤاری نیوزویكی ئه‌مریكی، فه‌لاح مسته‌فا ئاشكرد كه “له‌ماوه‌ی چه‌ند ساڵی رابردوودا هه‌رێمی كوردستان باوه‌شی بۆ هه‌زاران ئاواره گرتۆته‌وه، به‌ڵام به‌رده‌وامی دابینكردنی ئه‌و هاوكاریانه هه‌رێمی كوردستان پێویستی به هاوكاریی حكومه‌تی عێراق و كۆمه‌ڵگای نێوده‌وڵه‌تییه، به‌ڵام هه‌تا ئێستا هیچ لایه‌كی به‌شێوه‌یه‌كی به‌رچاو هاوكاریان نه‌كردوون”.
فه‌لاح مسته‌فا ژماره‌ی ئاواره‌كان ئاشكرا ده‌كات كه هه‌رێمی كوردستان له‌خۆی گرتووه و ده‌لێـ”ئه‌وان زیاتر له ملیۆنێك و هه‌شت سه‌د هه‌زار ئاواره‌یان له‌خۆگرتووه بێ ئه‌وه‌ی هیچ هاوكارییه‌ك بكرێت”.
