میلیشیاكانی حەشد هەڕەشە دەكەن و داوای بازگەی نەقشبەندی دەكەن
لە دوو رۆژی رابردوودا، میلیشیاكانی حەشد و سوپای عێراق لە سنووری جەلەولا جوڵەیان كردووە و ئەمڕۆش داوایان كردووە، بازگەی نەقشبەندیان رادەست بكرێت.
چالاكانی كورد لە تۆڕی كۆمەڵایەتی فەیسبووك بڵاویانكردووەتەوە، پێشنیوەڕۆی ئەمڕۆ شەممە 16ی كانوونی یەكەم/ دیسەمبەری 2017، میلیشیاكانی حەشد و سوپا روویان كردووەتە بازگەی نەقشبەندی و داوایان كردووە بازگەكەیان رادەست بكرێت.
بە گوێرەی زانیارییەكانی ئەو چالاكانە، هێزەكانی پۆلیسی گەرمیان رەتیان كردووەتەوە بازگەكەیان رادەست بكەن.
ئاماژەش بۆ ئەوە كراوە، ئەو هێزەی رووی لە بازگەكە كردبوو، پاشەكشێی كردووە.
