هێرۆ ئیبراهیم ئه‌حمه‌د رۆژی كۆنگره دیاری ده‌كات و به‌رپرسێكی یه‌كێتیش وه‌ڵامی ده‌داته‌وه
هێرۆ ئیبراهیم ئه‌حمه‌د ئه‌ندامی مه‌كته‌بی سیاسی یه‌كێتی و هاوسه‌ری تاڵه‌بانی ئه‌مرۆ به میدیایی حزبه‌كه‌ی راگه‌یاندووه، كه رۆژی كۆنگره وه‌ك مژده‌یه‌ك به‌لایانگرانی یه‌كێتی و به‌رپرسانی یه‌كێتی راگه‌یاندووه، كه رۆژی 7ی 3ی 2018 ئه‌نجام ده‌درێت، له‌وباره‌یه‌وه، ئه‌ندامێكی سه‌ركردایه‌تی یه‌كێتیش ده‌لێـ” به‌بی كاك كۆسره‌ت، بریار له به‌ستنی كۆنگره نادرێت”.
له لێدوانێكی دا بۆ میدیاكانی حزبه‌كه‌ی هێرۆ ئیبراهیم ئه‌حمه‌د، رایگه‌یاندووه”به‌ستنی كۆنگره هه‌م پێویستییه‌كی حیزبییه بۆ نوێكردنه‌وه و رێكخستنه‌وه‌ی هه‌یكه‌لی یه‌كێتی، هه‌میش داخوازییه‌كی ره‌وای هه‌ڤاڵان و كادیرانه، ئه‌و داخوازییه‌ش شایەنی به‌پیره‌وه‌هاتنه، بۆیه پێمانباشه له به‌هاری ساڵی داهاتوودا له رۆژی 7-3 چواره‌مین كۆنگره ببه‌سترێت”.
ئه‌مه‌ش له‌كاتێكدایه كه دەستنیشانکردنی واده‌ی كۆنگره لەلایەن هێرۆ ئیبراهیم ئەحمەد كه کۆسرەت رەسول، جێگری سکرتێری گشیی نەخۆشە و بۆ وەرگرتنی چارەسەری پزیشکی لە ئەڵمانیایە،لە بەرامبەردا مستەفا چاوڕەش، ئەندامی سەرکردایەتیی یەکێتیی نیشتمانیی کوردستان ده‌لێـ”ھەموومان کۆنگرە بە پێویست دەزانین، شتێکە ڕەنگە ئەو دۆخە چەقبەستووەی میللەتەکەمان و ناوخۆی یەکێتی بەو ھەموو کێشە و گرفتانەوە بگۆڕێت ده‌شلێـ”ئەو وادەیەی کە دیاری کراوە و باس لە 7/3/2018 دەکرێت، ئەگەر دابنیشین و ڕێککبکەوین لەسەری، زۆر شتێکی باشە و پشتیوانی لێ دەکەم، چونکە کۆنگرە گەورەترین دەسەڵاتە لە ناو ھەموو حزبێکدا”.
مستەفا چاوڕەش دووپاتی کردەوە کە ئەنجامدانی کۆنگرە بۆ دۆخی ناوخۆی یەکێتی خراپ نییە، بەڵام، کۆنگرەیەک ھی ھەمووان بێت، ھی ھەموو بەشەکانی یەکێتی بێت، بە خۆشەویستیمان بۆ ڕێبازی مام جەلال و بۆ خەباتی یەکێتی، بەو ڕۆحیەتە ھەوڵبدەین یەکێتی سەرکەوتوو بێت”.
