كوێستان محەمەد: بەشێك لەوانەی لە سلێمانی تەقەیان دەكرد بە عەرەبی قسەیان دەكرد
![](https://xwakurk.com/wp-content/uploads/2017/12/1-70.jpg)
دوای ئەوەی لە ماوەی دوو رۆژی رابردوو لە چەند شارو شارۆچكەیەكی زۆنی سەوزو نیڵی بە ناوی خۆپیشاندان هەڵیانكوتایە سەر چەند دام و دەزگایەكی میری و حزبی و دوكانی هاوڵاتیان, بەرپرسێكی بزووتنەوەی گۆڕان ئاشكرای دەكات كە بەشێك لەو هێزە ئەمنییانەی كە ئەمڕۆ لە سلێمانی تەقەیان لە خۆپێشاندەران كردووە بە زمانی عەرەبی قسەیان كردووە .
كوێستان محەمەد، ئەندامی جڤاتی گشتی بزووتنەوەی گۆڕان ڕیاگەیاند: ” ئەمڕۆ سێ شەممە بە مەبەستی ئەنجامدانی خۆپیشاندانی ناڕەزایەتی لەگەڵ ژمارەیەك لە مامۆستایانی ناڕازی لە بەردەم پەروەردەی ڕۆژئاوا كۆبووینەوە، بۆئەوەی خۆپیشاندانێكی ھێمنانە ئەنجام بدەین، بەڵام ھێزێكی زۆری ئەمنی ھێرشی كردە سەرمان و بەتەقە وەڵامیان داینەوە، بەداخەوە لەوكاتەدا گەنجێك لەلایەن دەزگائەمنیەكانەوە دەستگیركرا”.
گوتیشی: “ئەوەی جێگەی سەرنجی من بوو بەشێك لە ھێزە ئەمنییەكان كە چەكدار بوون بە زمانی عەرەبی قسەیان دەكرد”.