قائمیقامیه‌تی هه‌ولێر ئاگادارییه‌كی به‌په‌له بڵاوده‌كاته‌وه ده‌ڵێت” له كاتی بینینی ئه‌م حاڵه‌ته ئاگادارمان بكه‌نه‌وه
قائیمقامییه‌تی قه‌زای ناوه‌ندی هه‌ولێر له راگه‌یه‌ندراوێكدا، هاووڵاتییانی شاری هه‌ولێر ئاگادار ده‌كاته‌وه.” هه‌ر كه‌سێك به ناوی شاره‌وانی له ده‌رگای داو داوای پاره‌ی كرد، پێی مه‌ده‌ن و ئاگاداریشمان بكه‌نه‌وه.”
به پێی راگه‌یه‌ندراوه‌ێك كه وێنه‌یه‌كی ده‌ست (خواكوڕك) كه‌وتووه، و تێیدا هاتووه.” كه چه‌ند حاڵه‌تێكی له‌و شێوه‌یه له گه‌ڕه‌كی راستی شاری هه‌ولێر تۆماركراوه و له ده‌رگای چه‌ند ماڵێكیان داوه، گوایه ئه‌وان له‌لایه‌ن شاره‌وانییه‌وه هاتوون و داوا ده‌كه‌ن كیسی نایلۆنی زبڵ و پاشماوه “عه‌لاگه‌یان” به بڕی 10 هه‌زار دینار لێبكڕن.
هاوكات له‌گه‌ڵ پێدانی عه‌لاگه و وه‌رگرتنی پاره‌كه‌ش، پلیت “وه‌سڵێك ده‌ده‌نه خاوه‌ن ماڵه‌كه، گوایه كاره‌كه‌یان فه‌رمییه و له‌لایه‌ن شاره‌وانییه‌وه سه‌رپه‌رشتی ده‌كرێت.
قائیمقامییه‌تی قه‌زای ناوه‌ندی هه‌ولێر، وێڕای ئه‌وه‌ی بوونی هه‌ر كارێكی له‌و شێوه‌یه به فه‌رمی ره‌تده‌كه‌نه‌وه، داواش له هاووڵاتییان ده‌كان، له بینینی هه‌ر حاڵه‌تێكی له‌مجۆره، راسته‌وخۆ په‌یوه‌ندی بكه‌ن:-
به ژماره مۆبایله‌كانی 07502224466 و 07502224488 بكه‌ن و ئاگادارییان بكه‌نه‌وه.
