ناتانیاهۆ:فەڵەستین چارەسەر ڕەد دەکاتەوە.
لە میانەی وتارێکی لە کۆبونەوەی ئەنجومەنی وەزیرانی وڵاتەکەی،بنیامین ناتانیاهۆ ئاماژەی بەوە کرد کە لایەنی فەلەستینی خوازیاری چارەسەرکردنی کێشەکانی نێوان ئیسرائیل و فەڵەستین نین.
ناتانیاهۆ ڕایگەیاند دوای بڕیارەکەی تڕەمپ لە زاری محمود عەباسەوە بیستمان کە ئەوان هەموو هەوڵێکی ئەمریکا بۆ چارەسەرکردنی کێشەکان ڕەد دەکەنەوە و ئەوەش مانای وایە ئەوان چارەسەریان ناوێت.
پێشتر سەرۆکی فەڵەستین دوای دیداری لەگەڵ ئیمانوێل ماکرۆنی سەرۆکی فەرەنسا ڕایگەیاندبوو کە چیتر نێوەندگیری ئەمریکا جێی ڕەزامەندی نیەو ئەمریکا لە پرسی چارەسەری کێشەکانی نێوان وڵاتەکەیی و ئیسرائیل لایەنداری ئیسرائیلە.
