به‌ملیۆنان خه‌ڵك له ئێران له‌ژێر هێڵی هه‌ژاریدان هۆشداری ده‌درێته حكومه‌تی ئێران
بەرپرسی ڕێکخراوی خێرخوازی خومەینی لە لێدوانێکیدا ئاماژە بە زۆربونی ڕێژەی هەژاری لە ئێران دەکات و ڕایدەگەیەنێت کە جل ملیۆن ئێرانی لەخوار هێڵی هەژاریەوەن.
پەروێز فەتاحی ئاماژە بە کەمتەرخەمی حکومەتی ئێران دەکات و دەڵێت هاوکاریەکان تەنها دە ملیۆن هاوڵاتی دەگرێتەوەو سی ملیۆنەکەی تر لەوپەڕی ناهەمواریدا ژیان دەگوزەرێنن.
ئەمە لە کاتێکدایە حکومەتی ئەو وڵاتە دەیان ملیار دۆلار هاوکاری پێشکەشی گروپە چەکداریەکانی دەرەوەی ئێران دەکات و ڕەوشی هاوڵاتیانیش ڕۆژ لەدوای ڕۆژ بەرەو خراپی دەڕوات،پێشتریش پارلەمانتارانی ڕەوتی ڕیفۆرمخواز لەو ڕووەوە ڕەخنەی توندیان لە حکومەت گرتوەو داوایان کردووە لە بری گروپە چەکداریەکانی دەرەوە گرنگی بە ژیانی هاوڵاتیان بدرێت.
